جاڭالىقتار
كۋرس ساتقان بلوگەر 5 جىلعا سوتتالدى
استانا قالاسىندا ءوزىن ونلاين ساۋدا بويىنشا بيزنەس-ترەنەر رەتىندە تانىستىرعان ايەل 50 ميلليون تەڭگەدەن استام قارجىمەن ازاماتتاردى الداپ كەتكەنى ءۇشىن سوتتالدى, دەپ حابارلايدى Qandastar.kz
تەرگەۋ مالىمەتىنشە, كۇدىكتى Instagram الەۋمەتتىك جەلىسى ارقىلى ونلاين ساۋدا مەن تاۋار ساتىپ الۋ كۋرستارىن ۇسىنىپ, كليەنتتەردى تارتقان. وقۋ اياقتالعان سوڭ, تىڭداۋشىلارعا تۇرمىستىق تەحنيكانى كوتەرمە ساۋدالاۋعا قارجى سالۋدى ۇسىنىپ, ينۆەستيتسيا سوماسىنىڭ 10 پايىزى كولەمىندە پايدا تۇسەتىنىن ۋادە ەتكەن.
الايدا تولەم العاننان كەيىن ايەل سەنگىش ازاماتتارمەن بايلانىسىن ءۇزىپ, ءىزىن جاسىرعان.
مەملەكەتتىك ايىپتاۋشى سوتقا ايىپتالۋشىنىڭ كىناسىن دالەلدەيتىن دەرەكتەردى ۇسىندى. سوت ولاردى جەتكىلىكتى دەپ تانىپ, وعان بەس جىل باس بوستاندىعىنان ايىرۋ جازاسىن تاعايىندادى.
