Kýrs satqan bloger 5 jylǵa sottaldy

Astana qalasynda ózin onlaın saýda boıynsha bıznes-trener retinde tanystyrǵan áıel 50 mıllıon teńgeden astam qarjymen azamattardy aldap ketkeni úshin sottaldy, dep habarlaıdy Qandastar.kz

Tergeý málimetinshe, kúdikti Instagram áleýmettik jelisi arqyly onlaın saýda men taýar satyp alý kýrstaryn usynyp, klıentterdi tartqan. Oqý aıaqtalǵan soń, tyńdaýshylarǵa turmystyq tehnıkany kóterme saýdalaýǵa qarjy salýdy usynyp, ınvestıııa somasynyń 10 paıyzy kóleminde paıda túsetinin ýáde etken.

Alaıda tólem alǵannan keıin áıel sengish azamattarmen baılanysyn úzip, izin jasyrǵan.

Memlekettik aıyptaýshy sotqa aıyptalýshynyń kinásin dáleldeıtin derekterdi usyndy. Sot olardy jetkilikti dep tanyp, oǵan bes jyl bas bostandyǵynan aıyrý jazasyn taǵaıyndady.