قۇرىلتايداعى پرەزيدەنت ايتقان قۇندى ويلار – 3

1. اتىراۋداعى ەكولوگيا ماسەلەلەرى پرەزيدەنتتىڭ باقىلاۋىندا بولادى.

2. ءبىز مىقتى دەموكراتيالىق ينستيتۋتتارى جانە دامىعان قۇقىقتىق جۇيەسى بار ادىلەتتى مەملەكەت قۇرامىز.

3. كوپ ۇزاماي مەملەكەتتى باسقارۋ ءىسى, ياعني ەل تىزگىنى بۇگىنگى جاستاردىڭ قولىنا وتەدى.

4. سولتۇستىك ايماقتاردا جۇمىس كۇشى جەتىسپەيدى. ول جاقتا تەگىن ءبىلىم الۋعا, جاقسى جۇمىس ىستەۋگە بارلىق مۇمكىندىك بار. ءبىز شەتەلگە بارىپ, قارا جۇمىس ىستەپ ءجۇر دەپ, كورشى ەلدىڭ ازاماتتارىن مەنسىنبەي قاراعان ادامداردى دا كوردىك. شىن مانىنە كەلگەندە, سول شەتەلدە جۇرگەن ادامدار جاڭا داعدىلاردى يگەرەدى, جاڭا كاسىپتەردى مەڭگەرەدى. ولار ءوز ەلىنىڭ ەكونوميكاسىن دامىتۋعا ەداۋىر ۇلەس قوسىپ ءجۇر.

5. جاستاردىڭ كوبى تۋعان اۋىلىنان سىرتقا شىعۋعا ق ۇلىقسىز. مەنىڭ تاپسىرماممەن الدىڭعى جىلى باتىس ايماقتىڭ جاستارى ءۇشىن 10 مىڭ ءبىلىم گرانتى ءبولىندى. وكىنىشكە قاراي, سول گرانتتىڭ كوبى يگەرىلمەي قالدى. سوندىقتان گرانت سانىن ەسەلەپ قىسقارتۋعا تۋرا كەلدى. جاستارىمىز قولدا بار مۇمكىندىكتى پايدالانباي وتىر.

6. مەملەكەت تە, قوعام دا كومەككە شىن مۇقتاج ادامداردى قولداۋعا قاشاندا دايىن. قازاقستان – ءبارىمىزدىڭ قاسيەتتى قارا شاڭىراعىمىز. سوندىقتان ءاربىر ازامات ەل تاعدىرىنا ءوز تاعدىرىنداي قاراۋعا ءتيىس. ءبىزدىڭ كۇشىمىز – ىنتىماقتا. ەلىمىزدىڭ الەۋمەتتىك ساياساتى وسى قۇندىلىققا نەگىزدەلگەن. مەملەكەت تە, قوعام دا كومەككە شىن مۇقتاج ادامداردى قولداۋعا قاشاندا دايىن.

7. تاعى ءبىر ماسەلە – بيۋدجەت قارجىسىن ۇنەمدەۋ. ۇكىمەت بۇل ماسەلەنى ءاردايىم باستى نازاردا ۇستاۋعا ءتيىس. قازىر بيۋدجەتتىڭ كىرىسى مەن شىعىسى قايتا قارالىپ جاتىر. قارجىنى وڭدى-سولدى جۇمساۋعا بولمايدى, بۇل – اقيقات. مەملەكەتتىك مەكەمەلەردىڭ بيۋدجەتىن تەكسەرىپ وتىرماسا, شىعىستارى ۇلعايا بەرەدى. مۇنى قاتاڭ باقىلاۋدا ۇستاۋ كەرەك. تاعى دا قايتالاپ ايتامىن. قاراجات ەڭ قاجەت جوبالارعا, ەڭ ماڭىزدى ماسەلەلەردى شەشۋگە جۇمسالۋى قاجەت.

8. ۇلتتىق قۇرىلتايدىڭ ءتورتىنشى وتىرىسىن كوكشەتاۋدا وتكىزۋدى ۇسىنامىن. ايگىلى قاسىم حان – سارايشىقتا, ابىلاي حان – بۋرابايدا ورداسىن تىككەنى بەلگىلى. ەسىلدىڭ بويىندا – كەنەسارى حان مەملەكەتتىگىمىزدى ساقتاپ قالۋ ءۇشىن تالاي جورىققا شىققان. بۇل ايماق ءتول شەجىرەمىزدە ايرىقشا ورىن الادى. سوندىقتان ۇلتتىق قۇرىلتايدىڭ ءتورتىنشى وتىرىسىن كەلەسى جىلى كوكشەتاۋدا وتكىزۋدى ۇسىنامىن»,-دەدى مەملەكەت باسشىسى.