Jańalyqtar
Quryltaıdaǵy Prezıdent aıtqan qundy oılar – 3
![](https://qandastar.kz/wp-content/uploads/2024/03/1a4038f5-0115-4c90-a954-767b9dcf9466-1-780x405.jpeg)
1. Atyraýdaǵy ekologııa máseleleri Prezıdenttiń baqylaýynda bolady.
2. Biz myqty demokratııalyq ınstıtýttary jáne damyǵan quqyqtyq júıesi bar Ádiletti memleket quramyz.
3. Kóp uzamaı memleketti basqarý isi, ıaǵnı el tizgini búgingi jastardyń qolyna ótedi.
4. Soltústik aımaqtarda jumys kúshi jetispeıdi. Ol jaqta tegin bilim alýǵa, jaqsy jumys isteýge barlyq múmkindik bar. Biz shetelge baryp, qara jumys istep júr dep, kórshi eldiń azamattaryn mensinbeı qaraǵan adamdardy da kórdik. Shyn mánine kelgende, sol shetelde júrgen adamdar jańa daǵdylardy ıgeredi, jańa kásipterdi meńgeredi. Olar óz eliniń ekonomıkasyn damytýǵa edáýir úles qosyp júr.
5. Jastardyń kóbi týǵan aýylynan syrtqa shyǵýǵa qulyqsyz. Meniń tapsyrmammen aldyńǵy jyly batys aımaqtyń jastary úshin 10 myń bilim granty bólindi. О́kinishke qaraı, sol granttyń kóbi ıgerilmeı qaldy. Sondyqtan grant sanyn eselep qysqartýǵa týra keldi. Jastarymyz qolda bar múmkindikti paıdalanbaı otyr.
6. Memleket te, qoǵam da kómekke shyn muqtaj adamdardy qoldaýǵa qashanda daıyn. Qazaqstan – bárimizdiń qasıetti qara shańyraǵymyz. Sondyqtan árbir azamat el taǵdyryna óz taǵdyryndaı qaraýǵa tıis. Bizdiń kúshimiz – yntymaqta. Elimizdiń áleýmettik saıasaty osy qundylyqqa negizdelgen. Memleket te, qoǵam da kómekke shyn muqtaj adamdardy qoldaýǵa qashanda daıyn.
7. Taǵy bir másele – bıýdjet qarjysyn únemdeý. Úkimet bul máseleni árdaıym basty nazarda ustaýǵa tıis. Qazir bıýdjettiń kirisi men shyǵysy qaıta qaralyp jatyr. Qarjyny ońdy-soldy jumsaýǵa bolmaıdy, bul – aqıqat. Memlekettik mekemelerdiń bıýdjetin tekserip otyrmasa, shyǵystary ulǵaıa beredi. Muny qatań baqylaýda ustaý kerek. Taǵy da qaıtalap aıtamyn. Qarajat eń qajet jobalarǵa, eń mańyzdy máselelerdi sheshýge jumsalýy qajet.
8. Ulttyq quryltaıdyń tórtinshi otyrysyn Kókshetaýda ótkizýdi usynamyn. Áıgili Qasym han – Saraıshyqta, Abylaı han – Býrabaıda ordasyn tikkeni belgili. Esildiń boıynda – Kenesary han memlekettigimizdi saqtap qalý úshin talaı joryqqa shyqqan. Bul aımaq tól shejiremizde aıryqsha oryn alady. Sondyqtan Ulttyq Quryltaıdyń tórtinshi otyrysyn kelesi jyly Kókshetaýda ótkizýdi usynamyn»,-dedi Memleket basshysy.