جاڭالىقتار
قۇرىلىس مينيسترلىگى «كەلەر جىلى باسپانا باعاسى ارزانداي ما?» دەگەن ساۋالعا جاۋاپ بەردى
فوتو: اشىق دەرەككوز
ونەركاسىپ جانە قۇرىلىس ۆيتسە-ءمينيسترى قۋاندىق قاجكەنوۆ 2025 جىلى تۇرعىن ءۇيدىڭ ءبىر شارشى مەترى قانشا بولاتىنى ەسەپتەلىپ جاتقانىن ايتتى, دەپ جازدى qandastar.kz
ۇكىمەتتىڭ ءباسپاسوز ورتالىعىندا ءمينيستردىڭ ورىنباسارىنا «كەلەسى جىلى تۇرعىن ءۇي قىمباتتاۋى مۇمكىن بە? تالداۋ جۇرگىزدىڭىز بە?» دەگەن سۇراق قويىلدى.
قۋاندىق قاجكەنوۆ كەلەسى اپتادا ناقتى باعا بەلگىلى بولاتىنىن جەتكىزدى.
2024 جىلى قازىر الەۋمەتتىك تۇرعىن ءۇيدىڭ ءبىر شارشى مەترى – 300-350 مىڭ تەڭگە. بۇگىندە باعا ورتالىعىمەن (تسەنتر تسەنووبرازوۆانيا) بىرلەسىپ, 2025 جىلعا باعانى قاراستىرىپ جاتىرمىز. وسى اپتادا باعا بەلگىلى بولادى. ول بويىنشا باعا وسى دياپازوندا قالادى. قوسىمشا اقپارات وسى جۇمانىڭ سوڭىندا شىعادى. قازاقستان بويىنشا قۇرىلىس ماتەريالدارىنىڭ باعاسىنا قاتىستى اقپاراتتى جيناعان سوڭ تولىق اقپاراتتى بەرەيىك. سەبەبى, ءۇيدىڭ باعاسى قۇرىلىس ماتەريالدارىنا بايلانىستى عوي. قازىر باعاعا تالداۋ جۇرگىزىپ جاتىرمىز, – دەدى ۆيتسە-مينيستر.
