“قۋىپ ءجۇرىپ اتقان”: رۋسلان بەردەنوۆكە قاستاندىق جاسالعان ءساتتىڭ ۆيدەوسى كورسەتىلدى

ۆيدەودان سكرين

سوتتا شىمكەنت قالاسى اكىمىنىڭ ورىنباسارى رۋسلان بەردەنوۆكە قاستاندىق جاسالعان ءسات تۇسىرىلگەن بەينەجازبا كورسەتىلدى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

كادرلاردا رۋسلان بەردەنوۆتىڭ جۇمىسىنان شىعىپ, باسپالداقپەن تومەن ءتۇسىپ, كولىگىنە قاراي بەت العانى كورىنەدى. سول ساتتە وعان اق جەيدە كيگەن, قولىندا مىلتىق ۇستاعان ەرنار جيەمباي جۇگىرىپ كەلىپ, وق اتادى. بەردەنوۆ وڭ جاققا قاراي قاشىپ, جاسىرىنۋعا تىرىسادى, ال قارۋلى ادام ونى ارتىنان قۋادى.

كەيىن جيەمبايعا قاراي اۆتوكولىك جىلدام جاقىنداپ, توقتايدى. ءدال وسى كەزدە جۇرگىزۋشى كولىكتەن شىعادى, ال قارۋلى ادام جەرگە قۇلايدى.

سوتقا ايعاق رەتىندە جيەمباي اتقان «سايگا» ماركالى اڭشى مىلتىعى دا ۇسىنىلدى.

ەسكە سالساق, وسىعان دەيىن سوت وتىرىسى كەزىندە رۋسلان بەردەنوۆتىڭ العان جاراقاتتارى كورسەتىلگەنىن جازعان ەدىك.