Kvadrober bolý kúná ma: Dinı basqarma jaýap berdi

Qazaqstan musylmandary dinı basqarmasynyń ókili Elbek Tasbolatuly múftııattyń kvadroberlerge qatysty ustanymy týraly aıtty. Bul týralyqandastar.kz aqparat portaly BES.media basylymyna silteme jasap habarlaıdy.

Dinı basqarma ókili kvadroberliktiń ıslamdyq normalardy buzý ekenin basa aıtty. Onyń aıtýynsha, mundaı áreketterge sharıǵatta tyıym salynǵan.

Tasbolatuly kvadroberlerdiń áreketi Allanyń Quranda aıtqandaryna qaıshy keletinin atap ótti.

«Alla Taǵala Qurandaǵy «Isra» súresiniń 70-aıatynda: «Rasynda, biz adamdy qurmetti, qasıetti qyldyq», – degen. Bul jaratylystyń eń ardaqtysy, eń abyroılysy – adam degendi bildiredi. «Át-Tın» súresinde: «Biz adamzatty eń kemel etip jarattyq» delingen. Syrt kelbetimiz, aıaqpen júrýimiz – Allanyń bizge bergen syıy», – deıdi múftııat ókili.

Dinı basqarma ókili «Nısa» súresiniń 119-aıatyna silteme jasaı otyryp, shaıtannyń musylmandardy qalaı adastyrýǵa tyrysatynyn da atap ótti.

«Nısa súresiniń 119-aıatynda Alla Taǵala shaıtannyń adamzatty «Men adamzatqa Allanyń jaratylysyn ózgertýdi buıyramyn» dep azǵyratynyn baıandaıdy. Bul aıattan biz kvadroberlerdiń janýarlarǵa eliktep, dinimiz tyıym salǵan áreketterdi jasaıtynyn ańǵaramyz. Bul Allanyń adam balasyn qasıetti etkenine qaıshy keledi», – deıdi Elbek Tasbolatuly.

Jýrnalıstiń ıslamda muny haram dep sanaýǵa bola ma degen saýalyna múftııat ókili  “haram emes, tyıym salynǵan áreket” dep jaýap bergen.

Kvadroberler – betperde men quıryq kıip, janýarlardyń ádetteri men is-áreketterin qaıtalaıtyn adamdar toby. Negizinen jasósipirimder arasynda tanymal. Keıbireýler janýarlardyń qozǵalystaryn qaıtalaý bulshyqetterdi damytatytyn alǵa tartyp, kvadroberlikti sport túrine de jatqyzady.