جاڭالىقتار
«قىلمىستى جاساپ الىپ, ۋايىمسىز جاتقان»: تۇركىستاندا اناسى مەن قىزىن ءولتىرىپ كەتكەن مۇعالىمنىڭ ءىسى جايلى تىڭ دەرەكتەر ايتىلدى
فوتو: اشىق دەرەككوز
جەلىدە تۇركىستان وبلىسى كەلەس اۋدانىندا اناسى مەن 16 جاستاعى قىزدىڭ جانتۇرشىگەرلىك ءولىمى تۋرالى اقپارات تاراعان ەدى. 11 قىركۇيەك كۇنى تۇندە ەكەۋىنىڭ ءمايىتى ءوز ۇيىنەن تابىلعان. كۋاگەرلەردىڭ ايتۋىنشا مارقۇمداردىڭ دەنەسىنىڭ ساۋ-تامتىعى قالماعان. ولاردى ءولتىردى دەگەن كۇدىككە سول اۋىلدىڭ 29 جاستاعى مۇعالىمى ىلىككەن, دەپ جازادى qandastar.kz stankznews-كە سىلتەمە جاساپ.
ول مەكتەپتە پراكتيكانت بولىپ جۇمىس ىستەگەن. 15 جاستاعى مارقۇمعا كوز سالىپ, قىرىنداعان كورىنەدى. مۇنى بىلگەن اناسى بىردەن مەكتەپ ديرەكتورىنا ارىزدانعان. كوپ ۇزاماي 29 جاستاعى جىگىت ءبىلىم ورداسىنان شەتتەتىلىپتى. دەگەنمەن ىزاعا بۋلىعىپ, كەك الماق بولعان ول جانتۇرشىگەرلىك قىلمىستى 10 ايدان سوڭ جاساعان.
وقيعا بولعان كۇنى كۇدىكتىنى پوليتسيا قاربىز ساتاتىن جەرىنەن ۇستاپ اكەتكەن. مارقۇمنىڭ تۋىسىنىڭ ايتۋىنشا, كۇدىكتى قاربىز ساتاتىن جەردە تال تۇبىندەگى كەرەۋەتتە بەيقام جاتقان. كۇدىكتى ەسىرتكى تۇتىنعان, سونىڭ كۇشىمەن وسى قىلمىستى جاساپ وتىر دەيدى. دەگەنمەن ساراپتامادا كۇدىكتىنىڭ ناركولوگيالىق اۋرۋمەن اۋىرمايتىنى جازىلعان ەكەن.
