قىلمىستىق كودەكستە جاڭا باپ پايدا بولدى

فوتو: اشىق دەرەككوز

ماجىلىستە كەيبىر زاڭنامالىق اكتىلەرىنە “سىبايلاس جەمقورلىققا قارسى ءىس-قيمىل ماسەلەلەرى بويىنشا” جانە «سىبايلاس جەمقورلىققا قارسى ءىس-قيمىل ماسەلەلەرى بويىنشا اكىمشىلىك قۇقىق بۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى» زاڭ جوبالارى قارالدى, دەپ جازدى qandastar.kz

سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ءبىرىنشى ورىنباسارى ۇلان سارقۇلوۆتىڭ ايتۋىنشا, وزگەرىستەر مەن تولىقتىرۋلار «جەدەل-ىزدەستىرۋ قىزمەتى تۋرالى» زاڭعا تۇزەتۋلەر ەنگىزۋدى كوزدەيدى.

«زاڭعا ەنگىزىلگەن تۇزەتۋلەر بوپسالاۋ بەلگىلەرى بولعان كەزدە زاڭسىز سىياقى الۋ فاكتىلەرىن انىقتاۋ ماقساتىندا ارنايى جەدەل ءىس-شارالار وتكىزۋگە مۇمكىندىك بەرەدى. سونداي-اق, قىلمىستىق كودەكس سىياقىنى زاڭسىز بەرگەنى ءۇشىن جاۋاپكەرشىلىكتى كوزدەيتىن 247-1-باپپەن تولىقتىرىلادى», – دەدى سارقۇلوۆ ءماجىلىس وتىرىسى كەزىندە.

انتيكور توراعاسىنىڭ ءبىرىنشى ورىنباسارى اتاپ وتكەندەي, بۇل تەك الۋشىلاردى عانا ەمەس, زاڭسىز سىياقى بەرۋشىلەردى دە جاۋاپقا تارتۋعا مۇمكىندىك بەرەدى.