Qylmystyq kodekste jańa bap paıda boldy

Foto: ashyq derekkóz

Májiliste keıbir zańnamalyq aktilerine “sybaılas jemqorlyqqa qarsy is-qımyl máseleleri boıynsha” jáne «Sybaılas jemqorlyqqa qarsy is-qımyl máseleleri boıynsha Ákimshilik quqyq buzýshylyq týraly kodeksine ózgerister men tolyqtyrýlar engizý týraly» zań jobalary qaraldy, dep jazdy qandastar.kz

Sybaılas jemqorlyqqa qarsy is-qımyl agenttigi tóraǵasynyń birinshi orynbasary Ulan Sarqulovtyń aıtýynsha, ózgerister men tolyqtyrýlar «jedel-izdestirý qyzmeti týraly» zańǵa túzetýler engizýdi kózdeıdi.

«Zańǵa engizilgen túzetýler bopsalaý belgileri bolǵan kezde zańsyz syıaqy alý faktilerin anyqtaý maqsatynda arnaıy jedel is-sharalar ótkizýge múmkindik beredi. Sondaı-aq, qylmystyq kodeks syıaqyny zańsyz bergeni úshin jaýapkershilikti kózdeıtin 247-1-bappen tolyqtyrylady», – dedi Sarqulov májilis otyrysy kezinde.

Antıkor tóraǵasynyń birinshi orynbasary atap ótkendeı, bul tek alýshylardy ǵana emes, zańsyz syıaqy berýshilerdi de jaýapqa tartýǵa múmkindik beredi.