قىلمىستىق توپ تۇرمەدە وتىرىپ, قازاقستاندىقتاردى الداعان: ۇلتتىق قاۋىپسىزدىك كوميتەتى بىرنەشە ايماقتا ارنايى وپەراتسيا جۇرگىزدى

فوتو: ۆيدەودان سكرين

31 قازاندا قازاقستاننىڭ بىرنەشە قالاسىندا جانە ايماقتارىندا ءبىر ۋاقىتتا اۋقىمدى ارنايى وپەراتسيا جۇرگىزىلدى. بۇل وپەراتسيا قىلمىستىق توپتىڭ باسشىلارىن انىقتاۋعا باعىتتالدى. توپ دەسترۋكتيۆتى ءدىني اعىمداردىڭ جاقتاستارىنان جانە ولاردىڭ قىلمىستىق الەممەن بايلانىسى بار ادامداردان قۇرىلعان. بۇل تۋرالى  qandastar.kz  Stan.kz اقپارات اگەنتتىگىنە سىلتەمە جاساپ حابارلايدى.

ۇلتتىق قاۋىپسىزدىك قىزمەتىنىڭ دەرەگىنشە, قىلمىستىق توپ الماتى وبلىسىنداعى تۇزەتۋ مەكەمەلەرىنىڭ بىرىندە «كولل-ورتالىق» ۇيىمداستىرعان. ينتەرنەت ارقىلى اۆتوكولىك جانە باسقا دا تاۋارلاردى تاسىمالداۋعا مۇقتاج ازاماتتاردى الداپ, جالعان كەلىسىمشارتتار جاساسقان. قىلمىستىق سحەما ارقىلى ولار ادامداردىڭ مۇلكىن قولىنا الىپ, ونى تاسىمالداۋ سىلتاۋىمەن جىمقىرعان. توپتىڭ ىشىندە اۆتوۇرىلار, كاسسيرلەر, دەلدالدار سياقتى ناقتى رولدەر مەن مىندەتتەر بولىنگەن.

«ۇرلانعان اۆتوكولىكتەردىڭ VIN-كودتارىن وزگەرتكەن. ولاردى قازاقستاننان تىس جەرلەرگە شىعارىپ نەمەسە جالعان قۇجاتتار ارقىلى ەل ىشىندە ساتىلىمعا شىعارعان. ال م ۇلىكتەر ارنايى قىلمىستىق بايلانىستار ارقىلى قولدا بار ساتۋ ارنالارى ارقىلى تاراتىلعان. قىلمىستىق توپتاعى «كاسسير» دەپ اتالاتىن مۇشە بانكتەگى ەكىنشى دەڭگەيلى شوتتارعا تۇراقتى تۇردە اقشا اۋدارىپ, استىرتىن جۇمىس ىستەگەن. قىلمىستىق جولمەن تاپقان قارجىنى تەك جەكە قاجەتتىلىكتەرگە عانا ەمەس, قىلمىستىق سحەمانى كەڭەيتۋگە جانە بۋكمەكەرلىك كەڭسەلەرگە ءباس تىگۋگە جۇمساعان», – دەپ حابارلادى قۇقىق قورعاۋ ورگاندارى.

كوميتتەتىڭ الدىن الا تەكسەرۋ كەزەڭىندە قىلمىستىق توپ مۇشەلەرىنىڭ بىرنەشە ۇرلىققا قاتىسى بار ەكەنى انىقتالىپ, 9 وڭىردە توپتىڭ كومەكشىلەرى تىركەلگەن.

«سونىمەن قاتار الماتى قالاسى مەن الماتى وبلىسى پوليتسيا دەپارتامەنتتەرىندە ۇقساس تاسىلدەرمەن جاسالعان ۇرلىق فاكتىلەرى بويىنشا 30-دان استام قىلمىستىق ءىس وندىرىستە بولعانى انىقتالدى. كوميتەت ىشكى ىستەر مينيسترلىگىمەن بىرلەسىپ, ۆەدومستۆولىق تەرگەۋ-وپەراتيۆتى توپ قۇرىلدى. پروكۋراتۋرا ورگاندارىنىڭ مۇمكىندىكتەرى قوسىلدى. ءۇش ۆەدومستۆونىڭ كۇش-جىگەرىمەن 24 ۇرلىق ەپيزودىنىڭ جاسالۋىنا قاتىسى بار تۇلعالار انىقتالدى. ولاردىڭ ارەكەتتەرىنىڭ ازاماتتارعا كەلتىرگەن زيانى 2 ميلليارد تەڭگەدەن اسادى», – دەپ مالىمدەدى ۇلتتىق قاۋىپسىزدىك كوميتەتى.

جۇرگىزىلگەن تەرگەۋ-وپەراتيۆتى شارالاردىڭ ناتيجەسىندە سەنىمدى دالەلدەر جيناقتالىپ, ەلدىڭ ءار وڭىرىنەن 50-دەن استام ادام قاتىسقان قىلمىستىق سحەمانىڭ بارلىق ءمان-جايى انىقتالدى.

«قىلمىستىق كىرىستەردى ورىنداۋشىدان ۇيىمداستىرۋشىعا دەيىنگى بۇكىل پروتسەسىن باقىلاۋ مۇمكىن بولدى. توپتىڭ قىلمىستىق قىزمەتىن توقتاتۋ ءۇشىن ەگجەي-تەگجەيلى وپەراتسيا جوسپارى جاسالىپ, بەيبىت ازاماتتارعا قاۋىپ توندىرمەۋگە تىرىستىق. 27 توپ قۇرىلدى. جوسپارلانعان ءىس-شارالاردىڭ اۋقىمدىلىعىن جانە تارتىلعان كۇش پەن قۇرالداردى ەسكەرەلدى. وسىلايشا وپەراتسيا وتكىزىلەتىن جەرلەرگە اۋە كولىگىمەن كوشۋ جۇزەگە اسىرىلدى», – دەپ جالعاستىردى كوميتەت.

2024 جىلدىڭ 18 قىركۇيەگىندە استانا, الماتى, شىمكەنت قالالارىندا, اقتوبە, اتىراۋ, الماتى, جەتىسۋ, باتىس قازاقستان جانە پاۆلودار وبلىستارىندا ۇلتتىق قاۋىپسىزدىك كوميتەتى, ىشكى ىستەر مينيسترلىگى مەن پروكۋراتۋرانىڭ بىرلەسكەن ارەكەتتەرىمەن ارنايى وپەراتسيا وتكىزىلدى, وعان ارنايى ماقساتتاعى بولىمشەلەردىڭ قىزمەتكەرلەرى قاتىستى.

«وپەراتسيا ناتيجەسىندە ەكى جەتەكشى مەن ۇيىمداسقان قىلمىستىق توپتىڭ 10 بەلسەندى مۇشەسى ۇستالدى. 38 قىلمىستىق بايلانىس تەرگەۋگە جەتكىزىلدى. 40 ءتىنتۋ جۇرگىزىلىپ, كوپتەگەن بانكتىك كارتالار, اقشا قاراجاتتارى, ءدىني ادەبيەتتەر جانە تەرگەۋ ءۇشىن قىزىعۋشىلىق تۋدىراتىن زاتتار تابىلدى. قىلمىستىق توپ جەتەكشىلەرىنەن تۇزەتۋ مەكەمەسىندە بايلانىس قۇرالدارى مەن ءارتۇرلى سانداردى كورسەتەتىن جۋرنالدار تاركىلەندى», – دەپ حابارلادى ۇقك.

ۇستالعاندارعا قاتىستى قاجەت تەرگەۋ ارەكەتتەرى جۇرگىزىلدى. ولاردىڭ باسقا قىلمىستارعا قاتىسى بارى انىقتالىپ جاتىر. بۇل ارنايى وپەراتسيا مەن ونىڭ ناتيجەلەرى تۋرالى كوميتەت 23 قىركۇيەكتە باياندادى. سول كۇنى ۇستاۋ ساتتەرىنىڭ كەيبىر كادرلارى دا جاريالاندى.

ەسكە سالايىق, بۇعان دەيىن قاراعاندى وبلىسىندا «قارا ريەلتورلار» دەپ اتالاتىن توپتىڭ زاڭسىز ارەكەتىنىڭ جولى كەسىلگەنىن جازدىق. ۇيىمداسقان قىلمىستىق توپتىڭ قۇرامىنا ادۆوكاتتار, زاڭگەرلەر جانە نوتاريۋستار كىرگەن. ولار زاڭسىز جولمەن 14 پاتەردى يەمدەنىپ العان. پاتەرسىز قالعانداردىڭ قاتارىندا زەينەتكەرلەر, ەرەكشە قاجەتتىگى بار جاندار, الكوگولگە تاۋەلدىلەر دە بار. قىلمىستىق توپتىڭ بەلسەندى قاتىسۋشىلارىنىڭ ءبىرى – دەسترۋكتيۆتى ءدىني اعىمدى ۇستانۋشى.