«قىمبات رۋبين تاسى بار ءتاج»: بايان ماقساتقىزى ۇيىمداستىرىپ جاتقان «التىن حانىم» بايقاۋىنىڭ جۇلدە قورى بەلگىلى بولدى

فوتو: جەكە پاراقشادان الىندى

پروديۋسەر بايان ماقساتقىزىنىڭ جوباسى “التىن حانىم” بايقاۋىنىڭ جەڭىمپازى قانداي سىيلىق الاتىنى بەلگىلى بولدى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

جوبا ۇيىمداستىرۋشىلارىنىڭ ءبىرى, ءانشى اشا ماتاي جەكە پاراقشاسىندا جازبا جاريالادى.

«التىن حانىم» جوباسىنىڭ جەڭىمپازىنا ارنايى قىزىل ءتۇستى, قىمبات رۋبين تاسى بار سالتاناتتى ءتاج تابىستالادى. بۇل ءتاج – باتىلدىقتىڭ, سۇلۋلىقتىڭ جانە ايەلدىڭ ىشكى كۇشىنىڭ ايقىن بەلگىسى. ول جەڭىمپازدىڭ سىرتقى سىمباتىن عانا ەمەس, ونىڭ پاراساتى مەن كوشباسشىلىق قاسيەتىن دە بەينەلەيدى. سونىمەن قاتار جەڭىمپازعا قىزىل ءتۇستى زاماناۋي اۆتوكولىك سىيعا بەرىلەدى. بۇل ەرەكشە سىيلىقتار – جوباداعى قاجىرلى ەڭبەكتىڭ, تاباندىلىقتىڭ جانە ۇلكەن جەتىستىكتىڭ لايىقتى باعاسى ءارى جەڭىمپازدىڭ جاڭا بەلەستەرگە جول اشاتىن سيمۆولى سانالادى”, – دەپ جازدى ءانشى.

ايتا كەتەيىك, پروديۋسەردىڭ ىرىكتەۋىنەن وتپەي قالعان كەلىنشەك جوبانىڭ كولەڭكەلى تۇستارىن ايتىپ بەرگەن ەدى. بايان الاگوزوۆانىڭ «التىن حانىم-2025» شوۋىنا قاتىسۋعا 3 مىڭ ايەل ءوتىنىش بىلدىرگەن ەدى. الايدا ولاردىڭ 27-ءسى عانا ىرىكتەۋدەن سۇرىنبەي ءوتتى.

«بايان ماقساتقىزى نەلىكتەن جوباسىنا تەك بلوگەرلەر مەن بيزنەسمەن ايەلدەردى قاتىستىرادى?! ولار ونسىز دا تانىمال ەمەس پە?! ءوزىمنىڭ 1 مەتر 80 سانتيمەترلىك بويىممەن بارلىق ستاندارتقا ساي كەلەمىن دەپ ويلادىم. بىراق ەڭ ءبىرىنشى الەۋمەتتىك جەلىدە وقىرماندارىڭ بولۋى كەرەك ەكەن. ودان كەيىن قاتىسۋ ءۇشىن اقشا تولەۋدى تالاپ ەتەدى», – دەپ جازدى سۇلۋشاش ەسىمدى كەلىنشەك.