«Qymbat rýbın tasy bar táj»: Baıan Maqsatqyzy uıymdastyryp jatqan «Altyn hanym» baıqaýynyń júlde qory belgili boldy

Foto: Jeke paraqshadan alyndy

Prodıýser Baıan Maqsatqyzynyń jobasy “Altyn hanym” baıqaýynyń jeńimpazy qandaı syılyq alatyny belgili boldy, dep jazdy qandastar.kz

Bul týraly Stan.kz aqparat agenttigi habarlaıdy.

Joba uıymdastyrýshylarynyń biri, ánshi Asha Mataı jeke paraqshasynda jazba jarııalady.

«Altyn hanym» jobasynyń jeńimpazyna arnaıy qyzyl tústi, qymbat rýbın tasy bar saltanatty táj tabystalady. Bul táj – batyldyqtyń, sulýlyqtyń jáne áıeldiń ishki kúshiniń aıqyn belgisi. Ol jeńimpazdyń syrtqy symbatyn ǵana emes, onyń parasaty men kóshbasshylyq qasıetin de beıneleıdi. Sonymen qatar jeńimpazǵa qyzyl tústi zamanaýı avtokólik syıǵa beriledi. Bul erekshe syılyqtar – jobadaǵy qajyrly eńbektiń, tabandylyqtyń jáne úlken jetistiktiń laıyqty baǵasy ári jeńimpazdyń jańa belesterge jol ashatyn sımvoly sanalady”, – dep jazdy ánshi.

Aıta keteıik, prodıýserdiń irikteýinen ótpeı qalǵan kelinshek jobanyń kóleńkeli tustaryn aıtyp bergen edi. Baıan Alagózovanyń «Altyn hanym-2025» shoýyna qatysýǵa 3 myń áıel ótinish bildirgen edi. Alaıda olardyń 27-si ǵana irikteýden súrinbeı ótti.

«Baıan Maqsatqyzy nelikten jobasyna tek blogerler men bıznesmen áıelderdi qatystyrady?! Olar onsyz da tanymal emes pe?! О́zimniń 1 metr 80 santımetrlik boıymmen barlyq standartqa saı kelemin dep oıladym. Biraq eń birinshi áleýmettik jelide oqyrmandaryń bolýy kerek eken. Odan keıin qatysý úshin aqsha tóleýdi talap etedi», – dep jazdy Sulýshash esimdi kelinshek.