Qyrǵyz bapkeri: Qazaqtarda namys bolsa, jeńisti toılamas edi

Foto: ashyq derekkóz

Qyrǵyzstan quramasynyń kókpar jetekshisi Erlan Abdykaparov Astanada ótip jatqan Dúnıejúzilik kóshpendiler oıyndaryndaǵy fınaldyq matchtan keıingi áserin bólisti, dep habarlaıdy qandastar.kz  Sport.akipress.org saıtyna silteme jasap habarlaıdy.

Qyrǵyzstan men Qazaqstan quramalary arasyndaǵy sheshýshi kezdesý 12 qyrkúıekte ótip, Qazaqstan quramasynyń 5:4 esebimen jeńisimen aıaqtaldy.

«Biz ádiletsizdik bolatynyn bildik, biraq mundaı dárejege jetedi dep oılaǵan joqpyz. Tóreshiler bizdi balaǵattap, polıııa men arnaıy jasaq oıynshylarymyzdy uryp-soqty. Maǵan bir UQK qyzmetkeri kelip, kýáligin kórsetip, sýretke túsirip, halyqtar arasyndaǵy arazdyqty qozdyryp jatyrsyń dep qorqytty. Qysym óte qatty boldy. Esep 3:1 bolǵan kezde bizdi qaıtadan oınaýǵa shaqyrdy jáne tóreshiler ádil bolady dedi.

Alaıda, ekinshi taımda bizdi ádiletsiz tóreshilikpen utqyzdy. Biz Qazaqstan jaǵy mundaı uıymdaspaýshylyq pen ádiletsizdikke jol beredi dep oılamadyq. Eger olarda namys bolsa, osyndaı jeńisti toılamas edi.

Bizdiń jigitter qoldan kelgenniń bárin jasady. Men úshin bul 12 oıynshy – chempıondar», – dedi Erlan Abdykaparov.