الەم جاڭالىقتارىجاڭالىقتار
قىرعىزداردىڭ كەنەسارى حاندى ولتىرگەنى ءۇشىن كەشىرىم سۇراعان ءانشى قاماۋعا الىندى
فوتو: اشىق دەرەككوز
قىرعىزداردىڭ كەنەسارى حاندى ولتىرگەنى ءۇشىن كەشىرىم سۇراعان ءانشى قاماۋعا الىندى, دەپ جازدى qandastar.kz
قىرعىزستاننىڭ ۇلتتىق قاۋىپسىزدىك كوميتەتى ونەرپازدى وسى ءسوزى ءۇشىن حالىقارالىق ارازدىق تۋدىردى دەپ كۇدىك كەلتىرىپ وتىر. ول جاقتىڭ زاڭى بويىنشا, ۇلت ارازدىق تۋدىرعاندارعا 10 جىلعا باس بوستاندىعىنان ايىرۋ جازاسى قاراستىرىلعان. ءانشى قايراتبەك پريمبەرديەۆ قازاقستاندىق youtube ارنالاردىڭ بىرىنە سۇحبات بەرىپ, ورمان حاننىڭ كەنەسارىنى ولتىرۋگە ءماجبۇر بولعانىن ايتىپ, كەشىرىم سۇراعان. ءارى كەنەسارى حاننىڭ باسىن قايتارىپ, قۇران وقىپ, ەكى ەل اراسىنداعى وكپەنى ۇمىتۋعا شاقىرعان بولاتىن.
«مەن بۇل ءۇشىن قازاق حالقىنان كەشىرىم سۇراعىم كەلەدى. بۇل جاعداي ءۇشىن شىن جۇرەكتەن كەشىرىم سۇرايمىن. قازىر جىلاعىم كەلىپ تۇر», – دەگەن ەدى.
atamekenbusiness_qaz حابارلاعانداي, ونەرپازدىڭ بۇل ءسوزى قىرعىزدار اراسىندا داۋ تۋدىردى. ءتىپتى سول ەلدىڭ مادەنيەت ۆيتسە-ءمينيسترى بۇل جايتقا قاتىستى پىكىر ءبىلدىردى. ونىڭ سوزىنشە, قىرعىزداردىڭ ورمان حاننىڭ ارەكەتى ءۇشىن كەشىرىم سۇراۋدىڭ ءجونى جوق. ويتكەنى, ول ءوز جەرىن قورعاعان, — دەدى.
