«قىرعىزشا ءان ايتپاسا, اتاق نە ءۇشىن بەرىلدى?»: ديماش ءوزىن سىناعاندارعا جاۋاپ بەردى

كەشەلى بەرى قازاقستاندىق جانە قىرعىزستاندىق الەۋمەتتىك جەلى قولدانۋشىلارى ديماش قۇدايبەرگەنگە بەرىلگەن «قىرعىز رەسپۋبليكاسىنىڭ حالىق ءارتىسى» اتاعىنا قاتىستى ءتۇرلى پىكىر ءبىلدىرىپ جاتىر.

اسىرەسە, كەيبىر قولدانۋشىلار ونىڭ قىرعىز تىلىندە ءان ايتپاعانىن العا تارتىپ, اتاقتىڭ بەرىلۋىن ورىندى ساناماعان. ال ديماش بۇل سىنعا سابىرمەن ءارى ءسال ازىلمەن جاۋاپ بەردى.

«مەن حەيتەرلەردى جاقسى كورەمىن, ءتىپتى كەيدە تىم ەرەكشە جاقسى كورەمىن! سولاردىڭ ارقاسىندا, شىنىمدى ايتسام, مەن شابىتتانامىن. جالپى, بۇل سوزدەردە ءبىراز شىندىق بار… بىراق, مەن ءوزىم ازدى-كوپتى ادەكۆاتتى ادام رەتىندە, بۇل ماراپاتتىڭ تەك ءان ايتقانىم ءۇشىن نەمەسە جۇرتشىلىق مەنى تانيتىنى ءۇشىن عانا بەردى دەپ ويلامايمىن. ەڭ الدىمەن, بۇل – ەكى ەلدىڭ اراسىنداعى دوستىقتىڭ بەلگىسى», – دەدى ول جۋرناليست سۇراعىنا جاۋاپ بەرە وتىرىپ.

ءانشى سونىمەن بىرگە ء«سىز ءۇشىن قىرعىز رەسپۋبليكاسىنىڭ حالىق ءارتىسى دەگەن اتاق نەنى بىلدىرەدى?» دەگەن ساۋالعا دا جاۋاپ بەردى.

«وسى ءساتتى پايدالانا وتىرىپ, پرەزيدەنت سادىر جاپاروۆ مىرزاعا شىن جۇرەكتەن العىس ايتقىم كەلەدى. حالىق اراسىندا: ء«ار ءىستىڭ قايىرى بار» دەگەن ءسوز بار (قازاقتىڭ ماقالى). كەشە ماعان تابىستالعان ماراپاتتى مەن قىرعىز حالقىنىڭ قازاق حالقىنا دەگەن باۋىرلاستىق قۇرمەتىنىڭ بەلگىسى رەتىندە قابىلدادىم. سوندىقتان بۇل ماراپاتتى تەك ماعان بەرىپ وتىر دەپ ايتا المايمىن. بارشاڭىزعا قوناقجايلىلىقتارىڭىز بەن ءىلتيپاتتارىڭىز ءۇشىن, ونەرىمىزگە, حالقىمىزدىڭ مادەنيەتىنە دەگەن زور جانە شىنايى سۇيىسپەنشىلىكتەرىڭىز ءۇشىن شىن جۇرەكتەن العىس ايتقىم كەلەدى», – دەدى ديماش.