جاڭالىقتار
قىرعىزستان قازاقستاننان بارعان 302,4 مىڭ دانا جۇمىرتقانى كەرى قايتارىپ جىبەردى
فوتو: اشىق دەرەككوز
قازاقستاننان بارا جاتقان ءونىم شەكارا بەكەتىنەن ارى وتە المادى. بۇل تۋرالى قىرعىزستاننىڭ Cۋ رەسۋرستارى, اۋىل شارۋاشىلىعى جانە وڭدەۋ ونەركاسىبى مينيسترلىگى حابارلادى.
«اق-تىلەك» وتكىزۋ بەكەتىندە شەكارالىق ۆەتباقىلاۋ ينسپەكتورلارى تاۋارلاردى تەكسەرۋ بارىسىندا قازاقستاننان قىرعىز رەسپۋبليكاسىنىڭ اۋماعىنا 302 مىڭ 400 دانا تاۋىق جۇمىرتقاسىن وتكىزۋ كەزىندە ەاەو ۆەتەريناريالىق-سانيتاريالىق ەرەجەلەرىنىڭ بۇزىلعانىن انىقتاعان.
«اق-تىلەك» وتكىزۋ بەكەتىنىڭ ينسپەكتورلارى جۇكتى تەكسەرۋ بارىسىندا تاۋىق جۇمىرتقاسىندا تاڭبالاۋ جوق ەكەنىن, سونداي-اق جۇك تاسىمالداۋ كەزىندە ۆەتەريناريالىق-سانيتاريالىق تالاپتار ساقتالماعانىن انىقتادى.
«اق-تىلەك» باقىلاۋ بەكەتىنىڭ ينسپەكتورلارى تاراپىنان ءتيىستى كەرى قايتارۋ اكتىلەرى جاسالىپ, جۇك سول بەكەت ارقىلى قازاقستانعا قايتارىلدى, – دەلىنگەن حابارلامادا.
