Qyrǵyzstan Qazaqstannan barǵan 302,4 myń dana jumyrtqany keri qaıtaryp jiberdi

Foto: ashyq derekkóz

Qazaqstannan bara jatqan ónim shekara beketinen ary óte almady. Bul týraly Qyrǵyzstannyń Cý resýrstary, aýyl sharýashylyǵy jáne óńdeý ónerkásibi mınıstrligi habarlady.

«Aq-Tilek» ótkizý beketinde shekaralyq vetbaqylaý ınspektorlary taýarlardy tekserý barysynda Qazaqstannan Qyrǵyz Respýblıkasynyń aýmaǵyna 302 myń 400 dana taýyq jumyrtqasyn ótkizý kezinde EAEO veterınarııalyq-sanıtarııalyq erejeleriniń buzylǵanyn anyqtaǵan.

«Aq-Tilek» ótkizý beketiniń ınspektorlary júkti tekserý barysynda taýyq jumyrtqasynda tańbalaý joq ekenin, sondaı-aq júk tasymaldaý kezinde veterınarııalyq-sanıtarııalyq talaptar saqtalmaǵanyn anyqtady.

«Aq-tilek» baqylaý beketiniń ınspektorlary tarapynan tıisti keri qaıtarý aktileri jasalyp, júk sol beket arqyly Qazaqstanǵa qaıtaryldy, – delingen habarlamada.