Qyrǵyzstan prezıdenti tikushaqpen usynys jasaǵan jıeni úshin keshirim surady

Foto: kg.kabar.kg

Memleket basshysynyń týysyna 24 maýsymda Orýý-Saı shatqalynda usynys jasaldy. Onda Prezıdenttiń jıeni óziniń súıiktisimen birge TJM tikushaǵynda ushyp keldi.

Bul oqıǵa el halqynyń narazylyǵyn týdyrdy. «El basshylarynyń týystary men jaqyndary basqalarǵa úlgi bolýy kerek, árkimniń tikushaq jaldaýǵa múmkindigi bola bermeıdi. Bul úshin TJM tikushaqtary satyp alyndy ma? Prezıdent ysyrapshyldyqty toqtatý kerektigin aıtty», – dep jazdy áleýmettik jeli qoldanýshylary.

«Kabarǵa» bergen suhbatynda Sadyr Japarov Lazzat Nýrqojaevanyń bolashaq jubaıy prezıdenttiń ysyrapshyldyqqa tyıym salý týraly bastamasyn qoldaýǵa tıis ekenin aıtty.

«Siz durys aıtasyz, el basshylyǵynyń týystary basqalarǵa úlgi bolýy kerek. Men ysyrapshyldyqty toqtatý kerek dep birneshe ret aıttym. Kem degende, bolashaq kúıeý bala bul bastamany qoldap, qoǵamdy da, ózimdi de synamas buryn oılanýǵa tıis. Meniń oıymsha, ol muny jastyqpen jasady», – dedi prezıdent.

Ol Qyrǵyzstan TJM jańa tikushaqtar satyp alǵanyn qosty.

«Biz tikushaqtardy kommerııalyq maqsatta paıdalanýǵa ruqsat berdik. Olar ózderin aqtaýy kerek. Kez kelgen adam tikushaqtardy jalǵa ala alady, bolashaqta jańa apparattar satyp alý úshin árbir tıyn memlekettik bıýdjetke túsedi. Osylaısha, avıapark únemi jańartylyp otyrady «, – dedi Sadyr Japarov.

Qazirgi tańda respýblıka boıynsha 20-ǵa jýyq tikushaq bar. Sadyr Japarov týystarynyń, aǵa-inileriniń, apa-sińlileri men balalarynyń aldyna qatań talaptar qoıatynyn atap ótti. Prezıdent jıeni úshin keshirim surady.

«Buryn basqalardy synap júrdim, endi ózim de synǵa ushyradym. Men halyq aldynda jıenim úshin keshirim suraımyn, ol áli jas jáne qoǵamnyń synyn kórip otyr. Durys qorytyndy shyǵarady dep úmittenemin «, – dep túıindedi óz sózin Sadyr Japarov.