Qyrǵyzstan prezıdentiniń qaryndasyna sóz salǵan jigit qamaýǵa alyndy

Qyrǵyzstan prezıdentiniń baspasóz hatshysy Askat Alagózov áleýmettik jelide taraǵan aqparatty rastady. Memleket basshynyń jıeni Lázzat Nurqojaevaǵa sóz salǵan jigit ustaldy, dep habarlaıdy qandastar.kz.

Bul týraly Sadyr Japarovtyń baspasóz hatshysy Ashat Alagózov óziniń Facebook-tegi paraqshasynda jazdy.

«Prezıdent Sadyr Japarovtyń inisiniń qyzynyń jigiti quqyq qorǵaý organdarynyń ókilderimen ustalǵanyn rastaımyz», — dedi Alagózov.

Memleket basshysynyń baspasóz hatshysy jas jigittiń boıjetkenge erekshe usynys jasaý arqyly tanylǵanyn atap ótti.

«Lázzat Nurqojoevanyń jigiti oǵan tikushaqta úılený týraly usynys bildirgen soń tanyldy. Jas jigittiń negizgi maqsaty óz qyzmetin jasyrý úshin bılikten «krysha» izdedi deýge tolyq negiz bar», — dep qosty ol.

Eske salaıyq, Qyrǵyzstan prezıdenti Sadyr Japarovtyń qaryndasy Lázzat Nurqojaevaǵa súıiktisi úılenýge sóz salý úshin Jastar Orýý-Saı shatqalyna TJM-niń tikushaǵymen ushyp barǵan.

Japarov bolashaq kúıeý balasynyń bul qylyǵyn quptamaıtynyn aıtty. Sondaı-aq Qyrǵystan Prezıdenti TJM-ǵa jańadan satyp alynǵan tikushaqtar óziniń qunyn aqtaý úshin kommerııalyq maqsatta paıdalanýǵa ruqsat etilgenin atap ótti.

«Buryn men basqalardy synaıtyn edim, endi ózimniń aldymnan shyqty. Qaryndasym úshin halyqtan keshirim suraımyn. Áli jas, biraq qoǵamnyń synyn kórip otyr. Bul oqıǵadan sabaq alady dep oılaımyn», — dedi Japarov.

Derekerge súıensek, kúıeý jigit birneshe kúnnen beri esirtki saýdasymen aınalysqan degen kúdikpen ýaqytsha ustaý ızolıatorynda otyr.