Qyrǵyzstanda qaza tapqan qazaqstandyq 4 balanyń denesi elge jetkizildi

Foto: ShQO ákimdigi

Qyrǵyzstanda qaza tapqan balalardyń deneleri О́skemenge arnaıy bortpen jetkizildi, dep habarlaıdy Skifnews.kz aqparat portaly.

Osh oblysynyń Nookat aýdanyndaǵy aýyl turǵyndar men týrıster arasynda qaza tapqandar ishinde Shyǵys Qazaqstannyń balalary da bar. Qaıǵyly oqıǵa bolǵan kúni eki ul men eki qyz analarymen týystaryna qonaqqa barǵan. Týrıstik aımaqqa túsken selder kishkentaı shyǵysqazaqstandyqtardyń ómirin qıyp, óńirdiń barlyq turǵyndary úshin qaıǵyly jaǵdaıǵa aınaldy.

Búgin qaza tapqandardyń denelerin О́skemenge arnaıy bortpen jetkizdi. Shyǵys Qazaqstan oblysynyń ákimdiginde balalardyń týystaryna kómek kórsetý úshin jedel shtab qurylyp, oǵan óńirdiń barlyq qyzmetteriniń mamandary jumyldyryldy.

О́ńir basshysy Ermek Kósherbaev qaza tapqandardyń týystarymen kezdesti. Osy qıyn kúnderde jergilikti atqarýshy organdar jerleý rásimin uıymdastyryp, ótkizýdi óz moıyndaryna aldy. О́ńirdiń kásiporyndary men bıznes ókilderi otbasylarǵa kómek kórsetýge daıyn ekendikterin bildirdi.

Ákimdik qyzmetkerleri men Shyǵys Qazaqstan oblysynyń turǵyndary qaıǵyly oqıǵaǵa baılanysty týystaryna kóńil aıtty.

Eske salsaq, buǵan deıin Qyrǵyzstandaǵy selden qazaqstandyq 4 balanyń qaza tapqany týraly jazǵanbyz.