الەم جاڭالىقتارى
قىرعىزستاندا قازاق بالالارى مەرت بولدى
فوتو: قىرعىزستان توتەنشە جاعدايلار مينيسترلىگى
قىرعىزستانداعى سەل سالدارىنان ەكى قازاقستاندىق بالا قازا تاپتى, دەپ حابارلايدى Skifnews.kz اقپارات پورتالى.
28 ماۋسىم كۇنى قىرعىزستاندا وش وبلىسىنىڭ نووكات اۋدانىندا جويقىن سەل بولىپ, سالدارىنان 5 ادام قازا تاپقان ەدى. قازا تاپقانداردىڭ اراسىندا جەرگىلىكتى تۇرعىندارمەن قوسا شەتەلدىك تۋريستەردىڭ دە بار ەكەنى انىقتالدى, دەپ جازادى Stan.kz.
قىرعىزستاننىڭ توتەنشە جاعدايلار مينيسترلىگى وش وبلىسىندا سەل كەزىندە زارداپ شەككەندەر تۋرالى اقپارات جاريالادى.
الدىن الا مالىمەتى بويىنشا, قازا تاپقاندار اراسىندا قازاقستاننىڭ كامەلەتكە تولماعان ازاماتتارى بار. قازىر ەكى بالانىڭ ءمايىتى تابىلدى, تاعى ەكى بالانى ىزدەۋ جۇمىستارى ءجۇرىپ جاتىر.
قازاقستاندىق ديپلوماتتار جەرگىلىكتى بيلىكپەن تۇراقتى بايلانىستا ەكەنى حابارلاندى. قازاقستاننىڭ قىرعىزستانداعى ەلشىلىگى قايتىس بولعان بالالاردىڭ تۋىستارىنا كومەك كورسەتۋدە.
ەسكە سالساق, بۇعان دەيىن قىرعىزستاندا الاپات سەلدەن بەس ادامنىڭ قازا تاپقانى تۋرالى حابار تاراعان ەدى.
