Qyrǵyzstanda qazaq balalary mert boldy

Foto: Qyrǵyzstan tótenshe jaǵdaılar mınıstrligi

Qyrǵyzstandaǵy sel saldarynan eki qazaqstandyq bala qaza tapty, dep habarlaıdy Skifnews.kz aqparat portaly. 

28 maýsym kúni Qyrǵyzstanda Osh oblysynyń Nookat aýdanynda joıqyn sel bolyp, saldarynan 5 adam qaza tapqan edi. Qaza tapqandardyń arasynda jergilikti turǵyndarmen qosa sheteldik týrısterdiń de bar ekeni anyqtaldy, dep jazady Stan.kz.

Qyrǵyzstannyń tótenshe jaǵdaılar mınıstrligi Osh oblysynda sel kezinde zardap shekkender týraly aqparat jarııalady.

Aldyn ala málimeti boıynsha, qaza tapqandar arasynda Qazaqstannyń kámeletke tolmaǵan azamattary bar. Qazir eki balanyń máıiti tabyldy, taǵy eki balany izdeý jumystary júrip jatyr.

Qazaqstandyq dıplomattar jergilikti bılikpen turaqty baılanysta ekeni habarlandy. Qazaqstannyń Qyrǵyzstandaǵy elshiligi qaıtys bolǵan balalardyń týystaryna kómek kórsetýde.

Eske salsaq, buǵan deıin Qyrǵyzstanda alapat selden bes adamnyń qaza tapqany týraly habar taraǵan edi.