Qyrǵyzstanda tyıym salynǵan gazdalǵan sýsyn Bishkek dúkenderinen alynyp tastaldy

Foto: Ozon.kz

Bishkek dúkenderinde Aýǵanstanda óndirilgen gazdalǵan anar shyrynyn anyqtap, aınalymnan shyǵarý maqsatynda jospardan tys tekseris júrgizilip jatyr. Bul týraly Stan.kz aqparat agenttigi 24.kg portalyna silteme jasap habarlaıdy.

Memlekettik sanıtarlyq-epıdemıologııalyq baqylaý ortalyǵynyń málimetinshe, 58 saýda núktesi men saýda-bazar keshenderi tekserildi. Kásiporyn basshylaryna atalǵan ónimderdi satylymnan alyp, jetkizýshiler men satýshylarǵa qaıtarýdy talap etetin 65 sanıtarlyq nusqama berildi. Dúken sórelerinen 7 myń 356 banka sýsyn alynyp tastaldy.

Buǵan deıin Densaýlyq saqtaý mınıstrligi aýrýlardyń aldyn alý jáne memlekettik sanıtarlyq-epıdemıologııalyq baqylaý departamentiniń buıryǵymen bul sýsyndy barlyq jerde satylymnan alyp tastaýdy usynǵan edi.

Eske salaıyq, Aýǵanstanda jasalǵan sýsynnyń quramyndaǵy E122 azorýbın boıaǵyshy balalardyń belsendiligi men zeıinine keri áser etetini belgili boldy. Saýda jelileriniń basshylaryna bul ónimdi satýǵa tyıym salyndy.

Sondaı-aq, quramynda zııan qospasy bar shyryn Qazaqstanda satylymnan alynbaǵan edi.