Qyrkúıekten bastap mobıldi aýdarymdar tekserile bastaıdy

Qarjy mınıstrligi mobıldi aýdarymdar arqyly zańsyz kásipkerlikpen aınalysatyndardy anyqtaý maqsatynda jańa baqylaý júıesin engizbek. Bul týraly Májilis kýlýarynda qarjy vıe-mınıstri Erjan Birjanov málimdedi, dep habarlaıdy Qandastar.kz aqparat portaly.

Onyń aıtýynsha, tıisti buıryq daıyndalyp qoıǵan jáne ol jańa zań kúshine engen soń 60 kún ishinde qabyldanbaq. “Búgin zań qabyldandy. Endi biz normatıvtik qujatty rásimdep, qyrkúıek aıynan bastap naqty iske kirisemiz”, – dedi vedomstvo ókili.

Vıe-mınıstr jańa talaptardyń kimderge qatysty bolatynyn da naqty túsindirip ótti.

“Anasy qyzyna, ákesi ulyna ne týystary bir-birine aqsha aýdarsa, eshqandaı másele týyndamaıdy. Tipti soma 1 mıllıon, 2 mıllıon teńge bolsa da. Eń bastysy – úsh sharttyń úsheýi qatar oryndalýy kerek. Birinshisi – bir adamǵa 100 túrli tulǵa aqsha jiberýi tıis. Ekinshiden, bul aýdarymdar úsh aı qatarynan jalǵasýy qajet. Úshinshisi – jalpy soma 1 mıllıon teńgeden asýy shart”, – dedi Erjan Birjanov.

Mamandardyń sózinshe, bul júıe bızneske qatysty zańsyz mobıldi operaııalardy anyqtap, salyqtan jaltarýǵa tosqaýyl qoıýdy kózdeıdi. Al qarapaıym azamattardyń týystarymen jasaıtyn jeke aýdarymdaryna eshqandaı shekteý qoıylmaıdy.