قىتاي اقش تاۋارلارىنا قارىمتا باج سالىعىن ەنگىزد

فوتو: اشىق دەرەككوز

قىتاي اقش تاۋارلارىنا قارىمتا باج سالىعىن ەنگىزدى, دەپ جازدى qandastar.kz

بەيجىڭ مەن ۆاشينگتوننىڭ اراسىنداعى ساۋدا بايلانىسى شيەلەنىسە ءتۇستى. قىتاي اقش-تىڭ كەيبىر اۋىل شارۋاشىلىعى ونىمدەرىنە 10% جانە 15% باج سالىعىن ەنگىزدى. بۇل تۋرالى قىتايدىڭ ساۋدا مينيسترلىگى حابارلادى. ەندى اقش-تان اكەلىنەتىن تاۋىق ەتى, بيداي, جۇگەرى جانە ماقتا 15%-دىق باج سالىعىنا ۇشىرايدى. سويا بۇرشاقتارى, شوشقا ەتى, سيىر ەتى, تەڭىز ونىمدەرى, جەمىستەر, كوكونىستەر مەن ءسۇت ونىمدەرىنىڭ باعاسى 10%-عا قىمباتتايدى. وسىلايشا اسپان استى ەلى اق ءۇيدىڭ بىرجاقتى باج سالىعىنا نارازىلىعىن كورسەتتى. 15 امەريكالىق كومپانيا ەكسپورتتىق باقىلاۋ تىزىمىنە ەنگىزىلدى. ولاردىڭ قاتارىندا Leidos, Gibbs&Cox, IP Video Market Info, Sourcemap, Skydio سەكىلدى كومپانيالار بار. تاعى 10 ۇيىم سەنىمسىز دەپ تانىلدى. ايتا كەتەتىنى, اقش پرەزيدەنتى دونالد ترامپ 4 ناۋرىز كۇنى قىتايدىڭ تاۋارلارىنا سالىناتىن ءتاريفتى 10%-دان 20%-عا دەيىن كوتەرگەن بولاتىن.