قىتاي-قازاقستان-ەۋروپا: ترانسكاسپي دالىزىنەن العاشقى كولىك كەرۋەنى اتتاندى

بۇگىن اقوردادا مەملەكەت باسشىسى قاسىم-جومارت توقاەۆ پەن قىتاي حالىق رەسپۋبليكاسىنىڭ توراعاسى سي تسزينپين ترانسكاسپي ءدالىزى ارقىلى قىتاي-قازاقستان-ەۋروپا باعىتىنداعى العاشقى كولىك كەرۋەنىن سالتاناتتى تۇردە اتتاندىردى, دەپ حابارلايدى qandastar.kz.

كولىك كەرۋەنىنىڭ ساپارى 10 كۇنگە سوزىلادى, ۇزىندىعى – 4 800 شاقىرىم. كەرۋەن قازاقستاننىڭ 8 وڭىرىنەن ءوتىپ, بۇگىن قۇرىق پورتىنا جەتتى. بۇل باعىت قىتاي مەن قازاقستان اراسىندا ەكونوميكالىق جانە ساۋدا ىنتىماقتاستىقتى ودان ارى دامىتا تۇسەدى.

«قىتاي ەلىنەن شىققان جۇك – اۆتوكولىك كەرۋەنى مەن كونتەينەر پويىزى اقتاۋ مەن قۇرىق پورتتارىنا كەلىپ جەتتى. ولار ازەربايجان, گرۋزيا, تۇركيا جانە ەۋروپا ەلدەرىنە بەت الادى. بۇل – ۇلى جىبەك جولىنىڭ قايتا جاڭعىرۋى. كەرۋەن اتتانۋعا دايىن», – دەدى قۇرىق پورتىنان تىكەلەي بايلانىسقا شىققان كولىك كوميتەتىنىڭ توراعاسى التاي ءالى.

سونىمەن قاتار ەكى ەلدىڭ باسشىلارىنان كەمەلەردىڭ جۇزۋگە رۇقسات بەرۋدى سۇرادى. مەملەكەت باسشىلارى رۇقسات بەردى.

سونداي-اق قاسىم-جومارت توقاەۆ پەن سي تسزينپين قازاقستاننىڭ بەيجىڭ قالاسىندا, قىتاي حالىق رەسپۋبليكاسىنىڭ استانا قالاسىندا مادەني ورتالىقتارىنىڭ جانە استانادا بەيجىڭ ءتىل جانە مادەنيەت ۋنيۆەرسيتەتتەرىنىڭ اشىلۋىنا دا رۇقسات بەردى.