Qytaı-Qazaqstan-Eýropa: Transkaspıı dálizinen alǵashqy kólik kerýeni attandy

Búgin Aqordada Memleket basshysy Qasym-Jomart Toqaev pen Qytaı Halyq Respýblıkasynyń Tóraǵasy Sı zınpın Transkaspıı dálizi arqyly Qytaı-Qazaqstan-Eýropa baǵytyndaǵy alǵashqy kólik kerýenin saltanatty túrde attandyrdy, dep habarlaıdy qandastar.kz.

Kólik kerýeniniń sapary 10 kúnge sozylady, uzyndyǵy – 4 800 shaqyrym. Kerýen Qazaqstannyń 8 óńirinen ótip, búgin Quryq portyna jetti. Bul baǵyt Qytaı men Qazaqstan arasynda ekonomıkalyq jáne saýda yntymaqtastyqty odan ary damyta túsedi.

«Qytaı elinen shyqqan júk – avtokólik kerýeni men konteıner poıyzy Aqtaý men Quryq porttaryna kelip jetti. Olar Ázerbaıjan, Grýzııa, Túrkııa jáne Eýropa elderine bet alady. Bul – Uly Jibek jolynyń qaıta jańǵyrýy. Kerýen attanýǵa daıyn», – dedi Quryq portynan tikeleı baılanysqa shyqqan Kólik komıtetiniń tóraǵasy Altaı Áli.

Sonymen qatar eki eldiń basshylarynan kemelerdiń júzýge ruqsat berýdi surady. Memleket basshylary ruqsat berdi.

Sondaı-aq Qasym-Jomart Toqaev pen Sı zınpın Qazaqstannyń Beıjiń qalasynda, Qytaı Halyq Respýblıkasynyń Astana qalasynda Mádenı ortalyqtarynyń jáne Astanada Beıjiń til jáne mádenıet ýnıversıtetteriniń ashylýyna da ruqsat berdi.