جاڭالىقتار
قىتاي قازاقستانعا اەس سالۋ قۇنىن رەسەيگە قاراعاندا ەكى ەسە ارزانعا ۇسىندى
فوتو: pixabay.com
قىتاي قازاقستانعا اتوم ەلەكتر ستانتسياسىن سالۋدى رەسەيگە قاراعاندا ەكى ەسە ارزان باعاعا ۇسىندى, دەپ حابارلايدى Qandastar.kz سايتى Stan.kzاقپارات اگەنتتىگىنە سىلتەمە جاساپ.
قىتايدىڭ ۇلتتىق يادرولىق ەنەرگەتيكالىق كورپوراتسياسى (CNNC) قۇرىلىس كارتاسىن تىكەلەي كورسەتتى.
“جالپى قۋاتى 2,4 گۆت بولاتىن ەكى hpr-1000 رەاكتورى, قۇنى 550 ميلليون اقش دوللارىنا باعالانعان. رەسەيلىك «روساتوم» بۇل جوبا ءۇشىن 1,2–1,5 ميلليارد دوللار سۇرادى. بۇل ەكى ەسە قىمبات! — دەپ جازادى Toutiao اۆتورى.
بۇل تۋرالى OilPrice ساراپشىلارى دا جازادى.
بۇعان دەيىن قازاقستان اتوم ەلەكتر ستانتسياسىن سالۋ ءۇشىن الەۋەتتى مەردىگەرلەردىڭ قىسقا ءتىزىمىن جاسادى. وعان CNNC-تەن باسقا رەسەيلىك «روساتوم», وڭتۇستىك كورەيالىق KHNP (Korea Hydro & Nuclear Power) جانە فرانتسۋز EDF (Électricité de France) كىردى. ولاردىڭ اراسىنداعى تاڭداۋ «ەكونوميكالىق ورىندىلىق, تەحنولوگيالىق سەنىمدىلىك جانە ەكولوگيالىق قاۋىپسىزدىككە» قاراپ جاسالاتىنى اتاپ ءوتىلدى.
قازاقستاننىڭ ەنەرگەتيكا مينيسترلىگى ۇسىنىلعان نۇسقالاردى زەرتتەي كەلە, اتوم ەلەكتر ستانتسياسىنىڭ (اەس) قۇرىلىسى 10–15 ميلليارد دوللار كولەمىندە قارجىنى تالاپ ەتەتىنىن مالىمدەدى. الايدا 2024 جىلدىڭ سوڭىندا ەلدىڭ ءبىرىنشى ۆيتسە-پرەمەرى رومان سكليار ماتەريالدار مەن قىزمەتتەردىڭ قىمباتتاۋىنا بايلانىستى بۇل سوما 1,5 ەسەگە دەيىن ءوسۋى مۇمكىن ەكەنىن ەسكەرتتى.
