قىتاي كومپانياسى شىمكەنت مۇناي وڭدەۋ زاۋىتىنا ينۆەستيتسيا سالماق

بۇل تۋرالى ۇكىمەت باسشىسى ولجاس بەكتەنوۆ پەن CNPC كومپانياسى ديرەكتورلار كەڭەسىنىڭ توراعاسى داي حوۋليانمەن كەزدەسۋىندە بەلگىلى بولدى, دەپ حابارلايدى qandastar.kz.

قىتاي كومپانياسى شىمكەنت مۇناي وڭدەۋ زاۋىتىنىڭ شيكىزات كولەمىن جەتكىلىكتى قامتاماسىز ەتۋ جانە كەڭقياق – اتىراۋ, كەڭقياق – قۇمكول مۇناي قۇبىرلارىن كەڭەيتۋگە ينۆەستيتسيا سالادى.

قىتاي بيلىگىنە قارايتىن CNPC قازاقستاننىڭ مۇناي-گاز سالاسىنداعى كوپتەگەن ءىرى جوباعا قاتىسادى. ۇكىمەتتىڭ ەسەبىنشە, CNPC قازاقستاننىڭ مۇناي-گاز ونەركاسىبىنە $45 ملرد استام قاراجات سالعان, ەلدە CNPC كاسىپورىندارىندا 30 مىڭنان استام ادام ەڭبەك ەتەدى, ولاردىڭ 98,3%-ى – قازاقستاندىقتار.