جاڭالىقتار
قىتاي تىلىندەگى كىتاپتاردى ۇنەمى وقيمىن – قاسىم-جومارت توقاەۆ
فوتو: ايقىن.كز
قاسىم-جومارت توقاەۆ «سينحۋا» اگەنتتىگىنە سۇحبات بەردى, — دەپ حابارلايدى ايقىن.كز
سۇحبات بارىسىندا مەملەكەت باسشىسى ءبىلىم بەرۋ جۇيەسىندە ناقتى ناتيجەلەرگە قول جەتكىزۋگە باعىتتالعان پراگماتيكالىق كوزقاراسقا ايرىقشا قىزىعۋشىلىق تانىتقانىن ءسوز ەتتى. سونداي-اق ول قىتاي ءتىلىن ۇمىتپاۋ ءۇشىن نە ىستەيتىنىن ايتتى.
– الەمدەگى عانا ەمەس, قىتايدىڭ وزىندە دە دامىلسىز ءوسىپ, تەز وزگەرىپ جاتقان تەندەنتسيالاردى ەسكەرسەك, تىلدىك داعدىمدى ۇمىتىپ قالماس ءۇشىن, سونداي-اق قىتايدىڭ ساياسي جانە الەۋمەتتىك-ەكونوميكالىق دامۋىنداعى سوڭعى وزگەرىستەرىنەن حاباردار بولۋ ماقساتىندا قىتاي تىلىندەگى كىتاپتاردى ۇنەمى وقيمىن, – دەيدى مەملەكەت باسشىسى.
ەستەرىڭىزدە بولسا, بيىلعى 2-4 شىلدە كۇندەرى پرەزيدەنت قاسىم-جومارت توقاەۆتىڭ شاقىرۋىمەن قىتاي حالىق رەسپۋبليكاسىنىڭ توراعاسى سي تسزينپين قازاقستانعا مەملەكەتتىك ساپارمەن كەلمەك. سونداي-اق ول شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ 24-ءشى وتىرىسىنا قاتىسادى دەپ كۇتىلىپ وتىر.
