جاڭالىقتار
قىتايدا قازاق ەلىنىڭ تۋريستىك الەۋەتى تانىستىرىلدى
قىتايدا مادەني تۋريزم يندۋسترياسىنىڭ جارمەڭكەسى ءوتتى. حالىقارالىق ءىس-شارا شىڭجاڭ ۇيعىر اۆتونومدىق اۋدانىندا ۇيىمداستىرىلدى.
وعان الەم ەلدەرىنەن مىڭنان استام كومپانيا قاتىستى. ماقسات تۋريستىك ىنتىماقتاستىقتى ارتتىرىپ, ءوزارا بايلانىس ورناتۋ. جيىندا قازاقستان وتاندىق تۋريستىك الەۋەتىن تانىستىرىپ, قىزمەت تۇرلەرىن كورسەتتى. بيىل قازاقستان قىتايداعى تۋريزم جىلى اياسىندا ەلىمىزگە 400 مىڭعا جۋىق تۋريست تارتۋدى كوزدەپ وتىر. بۇل باعىتتا قازاق-قىتاي كاسىپكەرلەرى مەن ينۆەستورلارى 14 قۇجاتقا قول قويىپ, كەلىسىمگە كەلگەن. كورمە كەزىندە ماماندار تاجىريبە الماسىپ تارتىمدى ساياحات ۇيىمداستىرۋدىڭ, تىڭ تاسىلدەرىمەن ءبولىستى. ەندى بۇل سالادا جاساندى ينتەللەكتىنى قولدانۋ جوسپاردا بار. چانگ يۋان, ماركەتولوگ: — تۋريزم يندۋسترياسىندا تسيفرلىق تەحنولوگيا ماڭىزدى ءرول اتقارادى.
جاساندى ينتەللەكت كومەگىمەن مادەني جادىگەرلەر مەن تاريحي مۇرالاردى ءبىر مەزەتتە تانىستىرىپ, قامتۋ اۋديتورياسىن ارتتىرۋعا بولادى. حالىقارالىق جارمەڭكەدە ۆيرتۋالدى تۋريزم جوبالارى دا كورسەتىلدى. بۇل قازاقستان, قىرعىزستان, وزبەكستان جانە رەسەي ەلدەرىن ەرەكشە قىزىقتىرىپ وتىر.
