الەم جاڭالىقتارى
قىتايدا جاڭا ۆيرۋس تارالىپ جاتىر
فوتو:AP Photo Emily Wang
قىتاي اۋرۋحانالارىندا جاتقان ناۋقاستاردان تۇماۋ, رينوۆيرۋس جانە ادامنىڭ مەتاپنەۆموۆيرۋسى انىقتالدى. بۇل تۋرالى qandastar.kz قىتايدىڭ اۋرۋلاردى باقىلاۋ جانە الدىن الۋ باسقارماسىنا سىلتەمە جاساپ حابارلايدى.
قىتايدىڭ اۋرۋلاردى باقىلاۋ جانە الدىن الۋ باسقارماسى اقپاراتىنا سايكەس, 23-29 جەلتوقسان ارالىعىندا ەلدىڭ اۋرۋحانالارىنان تۇماۋ بەلگىلەرى بار ناۋقاستاردان سىنامالار الىنعان. الىنعان سىنامالاردىڭ ناتيجەسىندە تۇماۋ ۆيرۋسى, ادامنىڭ مەتاپنەۆموۆيرۋسى جانە رينوۆيرۋسى انىقتالعان. سونىمەن قاتار اۋرۋشاڭدىق دەڭگەيىنىڭ ارتقانى بايقالعان. «ناتيجەلەردى تالداۋ جۇقپالى رەسپيراتورلىق اۋرۋلاردىڭ قازىرگى ۋاقىتتا تۇراقتى تۇردە كوبەيىپ جاتقانىن كورسەتىپ وتىر», – دەپ حابارلايدى دەپارتامەنت. دەگەنمەن ءتۇرلى قوزدىرعىشتاردان تۋىنداعان ينفەكتسيالاردىڭ تارالۋ دەڭگەيى ءارتۇرلى ەكەنى دە اتاپ ءوتىلدى. ەل بويىنشا امبۋلاتوريالىق جانە جەدەل جاردەم كلينيكالارىندا تۇماۋ ۆيرۋسىنىڭ وڭ دەڭگەيى وتكەن اپتامەن سالىستىرعاندا 6,2 پايىزعا ءوستى. ەل بويىنشا امبۋلاتوريالىق جانە جەدەل جاردەم كلينيكالارىندا تۇماۋ ۆيرۋسىنىڭ سانى وتكەن اپتامەن سالىستىرعاندا 6,2 پايىزعا ارتقان. ال ادامنىڭ مەتاپنەۆموۆيرۋسى مەن رينوۆيرۋسىنىڭ وڭ سىنامالارى ازايعان.
قىتايدىڭ اۋرۋلاردى باقىلاۋ جانە الدىن الۋ باسقارماسى ازاماتتاردى ماۋسىمدىق ۆيرۋستىق ينفەكتسيالاردان ساقتانۋ ءۇشىن جەكە گيگيەنانى ساقتاۋعا, سالاۋاتتى ءومىر سالتىن ۇستانۋعا جانە كوپ ادام جينالاتىن ورىنداردا, قوعامدىق كولىكتەردە بەتپەردە كيۋگە شاقىرادى. سونىمەن قاتار يممۋنيتەتى ءالسىز جانە ەگدە تارتقان ادامدارعا ۋاقىتىلى ۆاكتسينا الۋ ۇسىنىلادى.
