Qytaıdaǵy qazaq qyzy Azııa oıyndarynda chempıon atandy

Foto: ashyq derekkóz

Qytaı quramasynyń múshesi Aqnar Adaqqyzy Harbınde ótip jatqan IX Qysqy Azııa oıyndarynda altyn medal jeńip aldy, dep jazdy qandastar.kz

Ol konkımen júgirýden áıelder arasyndaǵy komandalyq iz qýý jarysynyń fınalynda Han Meı jáne Ian Bınıýımen birge Qytaı quramasynyń sapynda óner kórsetip, qarsylastarynan ozyp shyqty. Jeńimpaz komandanyń nátıjesi – 3 mınýt 02.75 sekýnd.

Bul saıysta Japonııa quramasy kúmis, al Ońtústik Koreıa komandasy qola medal enshiledi.

Aqnar Adaq – Qytaıdyń Shyńjań ólkesi, Qutybı aýdanynda dúnıege kelgen etnıkalyq qazaq.

Aqnar Adaqtyń bul jeńisi qazaqstandyq sportsúıer qaýym úshin de úlken qýanysh boldy. Áleýmettik jeli qoldanýshylary jeńimpazdy quttyqtap, pikir jazǵan.