Qytaıǵa barǵan qazaq blogerleriniń ústinen is qozǵaldy

Qazaqstandyq blogerdiń Qytaıda túsirgen prank vıdeolary úlken rezonans týdyrdy. Qytaı halqy blogerdiń áreketin zańsyz dep taýyp, ony jaýapqa tartýdy talap etýde, dep habarlaıdy Qandastar.kz  Skifnews.kz aqparat portalyna  silteme jasap.

Qytaıda túsirilgen vıdeolar nelikten daý týǵyzdy?

Sońǵy kúnderi qytaılyq áleýmettik jeliler men jańalyqtar portaldarynda qazaqstandyq ınflıýenserdiń áreketi qyzý talqylanýda. Jergilikti BAQ-tyń málimetinshe, bloger Qytaıda «urlyq joq» degen sózge senbeı, ózinshe «tekserip» kórmek bolǵan. Ol Gýanchjoý men Shanhaıda júrip, qurbysynyń qaltasynan baıqatpaı telefonyn alyp, ony ótip bara jatqan qytaı azamatynyń qolyna ustatady. Sosyn dosyna telefonyńdy «myna adam urlady» dep kórsetedi. Sonymen qatar, er adamdarǵ janasyp, qolynan ustap, ıyǵyna súıenip, aıaǵyna tıisip, olardyń reakııasyn vıdeoǵa túsirgen.

Qytaı azamattary narazylyq bildirýde

Sohu.com, news.qq.com jáne Sina.com.cn sııaqty iri qytaılyq medıa platformalar bul áreketterdi qoǵamdyq tártipke qaıshy, qytaılyqtardyń meıirimdiligin teris pıǵylda kórsetý dep baǵalady. Vıdeodaǵy qarapaıym azamattardyń ar-namysy taptaldy, Qytaıdyń halyqaralyq ımıdjine keri áser etti dep ataǵan.

Qytaı zańdary ne deıdi?

Qytaı zańnamasyna sáıkes, jalǵan aıyp taǵý, qoǵamdyq tártipti buzý, jeke tulǵalardyń ruqsatynsyz vıdeo taratý jáne kópshilik aldynda qorlaý qatań jazalanady.

Zańger Han Dýnıandiń aıtýynsha, mundaı áreket:
• Ákimshilik aıyppulǵa nemese
• Qamaýǵa alý men deportaııaǵa deıin aparýy múmkin.

Jábirlenýshi azamattar blogerden:
• Keshirim suraýdy,
• Moraldyq shyǵyn óteýdi,
• Vıdeo materıaldardy óshirýdi talap etýge tolyq quqyly.

Gýanchjoý polıııasy iske aralasty

Qytaıdyń tanymal 163.com portalynyń jazýynsha, Gýanchjoý qalasynyń polıııasy turǵyndardan túsken aryzdar negizinde blogerdiń áreketine qatysty tekserý jumystaryn bastaǵan.

Bul jaǵdaı neni kórsetedi?

Bul oqıǵa – shetelde kontent túsiretin blogerler men ınflıýenserler úshin úlken sabaq. Qandaı elde bolsyn:
• Jergilikti zańǵa baǵyný,
• Mádenıet pen dástúrge qurmetpen qaraý,
• Qoǵamdyq tártipti saqtaý — basty qaǵıda bolyp qala beredi.

Qytaı BAQ-tary ǵalamtordaǵy tanymaldyq úshin bulaı qoǵamdy qorlaýǵa bolmaıdy deıdi.