الەم جاڭالىقتارىجاڭالىقتار
قىتايلىق كومپانيا مۇناي ىزدەۋگە كىرىسەدى – قازاقستاندىقتار قارسىلىق بىلدىرۋدە
فوتو:Zbynek Burival
قىتاي كومپانياسى قازاقستاندا مۇناي ىزدەۋ ءۇشىن ۇڭعىمالار بۇرعىلايدى, دەپ حابارلايدى qandastar.kz
Alash.kz جازعانداي, جەكە مەنشىك Kazakhstan FengYuanXinMao Energy Ltd. كومپانياسى, استانا حالىقارالىق قارجى ورتالىعىندا (احقو) تىركەلگەن, اتىراۋ وبلىسىنداعى قىزىلقالا جانە دۇيسەكە-كۇلسارى اۋماقتارىندا التى بارلاۋ ۇڭعىماسىن بۇرعىلاۋ جوسپارىن ۇسىندى. گونكونگتا (قحر) تىركەلگەن GLORY ROAD TRADING LIMITED كومپانياسىنا تيەسىلى بۇل كاسىپورىندى ليۋ پەن باسقارادى, دەپ كۋرسيۆ جازعان بولاتىن.
«جوسپارلانعان قىزمەت اياسىندا 500,55 شاقىرىمدىق 2D موگت سەيسميكالىق بارلاۋ جۇمىستارى (جالپى تەرەڭدىك نۇكتەسى ءادىسى – بىرنەشە رەت تىركەۋ مەن سەيسميكالىق سيگنالداردى جيناقتاۋعا نەگىزدەلگەن) جۇرگىزىلەدى. سونداي-اق 7 000 مەترلىكتەرەڭدىككە دەيىن ەكى تاۋەلسىز بارلاۋ ۇڭعىماسى بۇرعىلانادى: ق-1 (قىزىلقالا)جانە دك-1 (دۇيسەكە-كۇلسارى). بۇدان بولەك, ءتورت قوسىمشا بارلاۋ ۇڭعىماسىن بۇرعىلاۋ جوسپارلانعان», – دەلىنگەن «كۋرسيۆ» باسىلىمىنىڭ قولىندا بار كومپانيا مالىمدەمەسىندە.
بۇرعىلاۋ 2026–2029 جىلدارىجۇرگىزىلەدى. قوسىمشا ۇڭعىمالاردى بۇرعىلاۋ قاجەتتىلىگى تاۋەلسىز ۇڭعىمالار ناتيجەسىنە بايلانىستى انىقتالادى, ياعني ەگەر ولاردان وڭ ناتيجە شىقسا, قوسىمشا ۇڭعىمالار قازىلادى. كەلىسىمشارت اۋماعى اتىراۋ وبلىسى, جىلىوي اۋدانىنداورنالاسقان. بۇرعىلاۋ قورىتىندىسى بويىنشا كومپانيا قاباتتاردىڭ قۇرامىن تالداپ, انىقتالعان مۇناي-گاز كەن ورىندارىنىڭ س2 جانە س1 ساناتىنداعى قورلارىن باعالاماق.
قازاق حالقىنىڭ قارسىلىعى:
الايدا, بۇل جاڭالىق قوعامدا ۇلكەن قارسىلىق تۋدىردى. الەۋمەتتىك جەلى قولدانۋشىلارى قازاقستاننىڭ جەر استى بايلىعى ءوزىمىزدىڭ ەمەس, شەتەلدىك كومپانيالاردىڭ قولىنا ءوتىپ جاتقانىن سىنعا الدى.
جەلى قولدانۋشىلارىنىڭ پىكىرلەرى:
📌 «قاشان ءبىز ءوز رەسۋرستارىمىزدى ءوزىمىز باسقارامىز?»
📌 «وزگە ەلدەرگە قۇل بولامىز ەندى…»
📌 «كەلەشەك ۇرپاققا نە قالدىرامىز? ساتىلماعان بايلىق قالدى ما?»
📌 «قاقپاعى اشىق قالعان قازان بولدى عوي ءبىزدىڭ قازاقستان. اركىم قالاعانىن الىپ كەتەدى. 30 جىلدان استى, ءوز مۇنايىمىزدى ءوزىمىز وڭدەپ, سىرتقا قىمباتقا ساتۋدى ءالى كۇنگە بىلمەيمىز…»
قازاقستان حالقى شەتەلدىك ينۆەستورلارعا جەر قويناۋىنداعى بايلىقتى بەرۋدىڭ ورنىنا, وتاندىق ءوندىرىستى كۇشەيتۋ, مۇناي مەن گازدى ءوزىمىز وڭدەۋ, جانە ۇلتتىق رەسۋرستاردى قازاقستان ازاماتتارىنىڭ يگىلىگىنە جۇمساۋقاجەتتىگىن تالاپ ەتۋدە.
ەسكە سالا كەتەيىك, قازاقستاندا كومىرسۋتەكتەر بويىنشا جەر قويناۋىن پايدالانۋ قۇقىعىن بەرۋ جونىندەگى توعىزىنشى ەلەكتروندىق اۋكتسيون 2024 جىلعى 31 مامىردا وتكىزىلگەن بولاتىن. اۋكتسيون ەلەكتروندىق اۋكتسيون وپەراتورى – قر قارجى مينيسترلىگىنىڭ «اقپاراتتىق-ەسەپتىك ورتالىعى» اق سايتى ارقىلى ءوتتى.
بىلتىرعى اۋكتسيون جەڭىسىنەن كەيىن, «Kazakhstan FengYuanXinMao Energy Ltd» اتىراۋ وبلىسىنداعى تاسشاعىلۋچاسكەسىندە كومىرسۋتەك بارلاۋ جوباسىن ازىرلەگەن. بۇل ۋچاسكە قايران, اكتوتى, كورولەۆسكوە جانە تەڭىز كەن ورىندارىنىڭ جانىندا ورنالاسقان. بۇرعىلاۋ كەزىندە 5 873 مەتر تەرەڭدىكتە كۇشتى گاز كورىنىستەرى بايقالعان. 6 295 مەترتەرەڭدىكتە جوعارى قىسىمعا بايلانىستى بۇرعىلاۋ ۋاقىتشا توقتاتىلدى. سونىمەن قاتار, قاراشۇڭگىل كەن ورنىندا بۇرعىلاۋ كەزىندە گاز كوندەنساتىنىڭ اعىنى انىقتالعان. بۇل كەلىسىمشارت 2030 جىلدىڭ 2 شىلدەسىنە دەيىن جارامدى جانە ۇزارتىلۋى مۇمكىن. گەولوگيالىق بلوكتىڭ اۋدانى 488,9 شارشى كم قۇرايدى.
