Qytaılyq kompanııa munaı izdeýge kirisedi – qazaqstandyqtar qarsylyq bildirýde

Foto:Zbynek Burival

Qytaı kompanııasy Qazaqstanda munaı izdeý úshin uńǵymalar burǵylaıdy, dep habarlaıdy qandastar.kz

Alash.kz jazǵandaı,  jeke menshik Kazakhstan FengYuanXinMao Energy Ltd. kompanııasy, Astana halyqaralyq qarjy ortalyǵynda (AHQO) tirkelgen, Atyraý oblysyndaǵy Qyzylqala jáne Dúıseke-Kúlsary aýmaqtarynda alty barlaý uńǵymasyn burǵylaý josparyn usyndy. Gonkongta (QHR) tirkelgen GLORY ROAD TRADING LIMITED kompanııasyna tıesili bul kásiporyndy Lıý Pen basqarady, dep Kýrsıv jazǵan bolatyn.

«Josparlanǵan qyzmet aıasynda 500,55 shaqyrymdyq 2D MOGT seısmıkalyq barlaý jumystary (jalpy tereńdik núktesi ádisi – birneshe ret tirkeý men seısmıkalyq sıgnaldardy jınaqtaýǵa negizdelgen) júrgiziledi. Sondaı-aq 7 000 metrliktereńdikke deıin eki táýelsiz barlaý uńǵymasy burǵylanady: Q-1 (Qyzylqala)jáne DK-1 (Dúıseke-Kúlsary). Budan bólek, tórt qosymsha barlaý uńǵymasyn burǵylaý josparlanǵan», – delingen «Kýrsıv» basylymynyń qolynda bar kompanııa málimdemesinde.

Burǵylaý 2026–2029 jyldaryjúrgiziledi. Qosymsha uńǵymalardy burǵylaý qajettiligi táýelsiz uńǵymalar nátıjesine baılanysty anyqtalady, ıaǵnı eger olardan oń nátıje shyqsa, qosymsha uńǵymalar qazylady. Kelisimshart aýmaǵy Atyraý oblysy, Jylyoı aýdanyndaornalasqan. Burǵylaý qorytyndysy boıynsha kompanııa qabattardyń quramyn taldap, anyqtalǵan munaı-gaz ken oryndarynyń S2 jáne S1 sanatyndaǵy qorlaryn baǵalamaq.

Qazaq halqynyń qarsylyǵy:

Alaıda, bul jańalyq qoǵamda úlken qarsylyq týdyrdy. Áleýmettik jeli qoldanýshylary Qazaqstannyń jer asty baılyǵy ózimizdiń emes, sheteldik kompanııalardyń qolyna ótip jatqanyn synǵa aldy.

Jeli qoldanýshylarynyń pikirleri:
📌 «Qashan biz óz resýrstarymyzdy ózimiz basqaramyz?»
📌 «О́zge elderge qul bolamyz endi…»
📌 «Keleshek urpaqqa ne qaldyramyz? Satylmaǵan baılyq qaldy ma?»
📌 «Qaqpaǵy ashyq qalǵan qazan boldy ǵoı bizdiń Qazaqstan. Árkim qalaǵanyn alyp ketedi. 30 jyldan asty, óz munaıymyzdy ózimiz óńdep, syrtqa qymbatqa satýdy áli kúnge bilmeımiz…»

Qazaqstan halqy sheteldik ınvestorlarǵa jer qoınaýyndaǵy baılyqty berýdiń ornyna, otandyq óndiristi kúsheıtý, munaı men gazdy ózimiz óńdeý, jáne ulttyq resýrstardy Qazaqstan azamattarynyń ıgiligine jumsaýqajettigin talap etýde.

Eske sala keteıik, Qazaqstanda kómirsýtekter boıynsha jer qoınaýyn paıdalaný quqyǵyn berý jónindegi toǵyzynshy elektrondyq aýkıon 2024 jylǵy 31 mamyrda ótkizilgen bolatyn. Aýkıon elektrondyq aýkıon operatory – QR Qarjy mınıstrliginiń «Aqparattyq-eseptik ortalyǵy» AQ saıty arqyly ótti.

Byltyrǵy aýkıon jeńisinen keıin, «Kazakhstan FengYuanXinMao Energy Ltd» Atyraý oblysyndaǵy Tasshaǵylýchaskesinde kómirsýtek barlaý jobasyn ázirlegen. Bul ýchaske Qaıran, Aktoty, Korolevskoe jáne Teńiz ken oryndarynyń janynda ornalasqan. Burǵylaý kezinde 5 873 metr tereńdikte kúshti gaz kórinisteri baıqalǵan. 6 295 metrtereńdikte joǵary qysymǵa baılanysty burǵylaý ýaqytsha toqtatyldy. Sonymen qatar, Qarashúńgil ken ornynda burǵylaý kezinde gaz kondensatynyń aǵyny anyqtalǵan. Bul kelisimshart 2030 jyldyń 2 shildesine deıin jaramdy jáne uzartylýy múmkin. Geologııalyq bloktyń aýdany 488,9 sharshy km quraıdy.