جاڭالىقتار
قىتايلىق تانىمال بلوگەر Taotao Aima قازاقستان ءتۋريزمىنىڭ ەلشىسى اتاندى
قىتايلىق تانىمال بلوگەر قازاقستان ءتۋريزمىنىڭ ەلشىسى اتاندى, دەپ حابارلايدى Qandastar.kz اقپارات پورتالى Kazakh Tourism-گە سىلتەمە جاساپ.
جىلقىعا ەرەكشە قىزىعۋشىلىق تانىتاتىن تاوتاو ايما (Taotao Aima) جەكە پاراقشاسىنا جازىلعان 7 ميلليوننان استام جەلى قولدانۋشىسىنا قازاقستاننىڭ مادەنيەتى, تابيعاتى جانە قوناقجاي حالقى تۋرالى جازبالار جاريالاپ ءجۇر. سول ءۇشىن Kazakh Tourism ۇلتتىق كومپانياسى تانىمال ينفليۋەنسەرگە «قازاقستان ءتۋريزمىنىڭ ەلشىسى» مارتەبەسىن تابىستادى.
تاوتاو ەلىمىزدىڭ ءۇش ايماعىندا, اتاپ ايتساق, شىعىس قازاقستان مەن الماتى وبلىستارىنىڭ كورىكتى جەرلەرىن ارالاپ, استانا مەن الماتى قالالارىندا بولعان. تۇمسا تابيعاتىمىزدان بولەك ول جازىلۋشىلارىنا ءداستۇرلى قازاق كيىمدەرىن كورسەتىپ, بۇركىتپەن اڭ اۋلاۋدىڭ قىر-سىرىن ءبولىسىپ, ۇلتتىق تاعامدارىمىز بەن مادەنيەتىمىزدى تانىستىرىپ ءجۇر.
ايتا كەتەيىك, Kazakh Tourism 2018 جىلدان بەرى اقىسىز تۇردە قازاقستاندى الەمگە تانىستىرىپ جۇرگەن تۇلعالارعا «قازاقستان رەسپۋبليكاسىنىڭ تۋريزم ەلشىسى» اتاعىن بەرەدى. وتكەن جىلى بۇل مارتەبەگە جاپون بلوگەرى يۋدزي ناتسۋما يە بولسا, ەندى بۇل تىزىمگە تاوتاو قوسىلدى.
