Qytaılyq tanymal bloger Taotao Aima Qazaqstan týrızminiń elshisi atandy

Qytaılyq tanymal bloger Qazaqstan týrızminiń elshisi atandy, dep habarlaıdy Qandastar.kz aqparat portaly Kazakh Tourism-ge silteme jasap.

Jylqyǵa erekshe qyzyǵýshylyq tanytatyn Taotao Aıma (Taotao Aima) jeke paraqshasyna jazylǵan 7 mıllıonnan astam jeli qoldanýshysyna Qazaqstannyń mádenıeti, tabıǵaty jáne qonaqjaı halqy týraly jazbalar jarııalap júr. Sol úshin  Kazakh Tourism ulttyq kompanııasy tanymal ınflıýenserge «Qazaqstan týrızminiń elshisi» mártebesin tabystady.

Taotao elimizdiń úsh aımaǵynda, atap aıtsaq, Shyǵys Qazaqstan men Almaty oblystarynyń kórikti jerlerin aralap, Astana men Almaty qalalarynda bolǵan. Tumsa tabıǵatymyzdan bólek ol jazylýshylaryna dástúrli qazaq kıimderin kórsetip, búrkitpen ań aýlaýdyń qyr-syryn bólisip, ulttyq taǵamdarymyz ben mádenıetimizdi tanystyryp júr.

Aıta keteıik, Kazakh Tourism 2018 jyldan beri  aqysyz túrde Qazaqstandy álemge tanystyryp júrgen tulǵalarǵa «Qazaqstan Respýblıkasynyń týrızm elshisi» ataǵyn beredi. О́tken jyly bul mártebege japon blogeri Iýdzı Naýma ıe bolsa, endi bul tizimge Taotao qosyldy.