«Qyzdar durys otyra almaı júrgenin aıtty»: Soltústik Qazaqstan oblysynda eki oqýshy qyz zorlandy

Foto: iStock

Pavlodar oblysynda eki jasóspirim qyz zorlandy. Zardap shekkender aýrýhanaǵa jatqyzylyp, zorlyq jasaǵan kúdikti ýaqytsha ustaý ızolıatoryna qamaldy. Bul týraly Stan.kz aqparat agenttigi Tengrinews saıtyna silteme jasap habarlaıdy.

Pavlodar oblysy boıynsha Bala quqyqtary jónindegi ýákil Sáýle Shákeneva kámeletke tolmaǵandardy zorlaýdyń eki oqıǵasy týraly málimdedi. Ol zardap shekken 15 jáne 17 jastaǵy oqýshy qyzdarmen kezdesti. Ombýdsmenniń aıtýynsha, qyzdar ózderine jasalǵan zorlyq-zombylyqty moıyndaýǵa batyly jetpegen.

«Qyzdardyń ishki jan dúnıesinde, júreginde ne bolyp jatqany belgisiz. Olar qandaı azapty bastan ótkerip jatyr?  Fızıkalyq azap týraly aıtpaımyn… Degenmen, qyzdardyń biri qansha kúnnen beri durys otyra almaı júrgenin aıtty. Keshe kóz jasyna tunshyǵyp, aýyrǵanyn aıtyp jylap jatqan qyzdyń dirildegen qolynan ustadym. Osylaısha qyzǵa, bul jaǵdaıǵa ol kináli emes ekenin jetkizdim. Bul áreketti oǵan otbasyndaǵy adam jasaǵan», – dedi Shákeneva.

Eki jaǵdaı da bir aýylda, bir otbasynda bolǵan.

«Bul qyzdardy sol adam zorlaǵan. 17 jastaǵy jábirlenýshiniń úlken aǵasy, 15 jastaǵy jábirlenýshiniń anasynyń birge turatyn adamy, ıaǵnı «ógeı ákesi». Zańdy túrde jáne qan jaǵynan olar eki túrli otbasy. Biraq olar ózderin týys sanaıdy. Zorlaǵan kúdikti er adamnyń jaqyn dosy. Tipti olardyń úıinde túnepti”, – dedi ombýdsmen.

Onyń aıtýynsha, er adam 29-30 jasta.

«Kúdikti qamaýǵa alyndy. Tergeý júrip jatyr. Qyzdar aýyrǵanyna shaǵymdanǵan. Sondyqtan olar aýrýhanaǵa jatqyzyldy. Olar muqııat tekserilý kerek jáne olarmen mekteptiń pedagogıkalyq psıhology emes, tıisti mamandyǵy bar klınıkalyq psıholog jumys isteıdi», – dedi Shákeneva.

Ýltradybystyq zertteý nátıjesi kámeletke tolmaǵan eki qyzdyń júkti emes ekenin kórsetti. Balalar ombýdsmeni Instagram jelisindegi paraqshasynda balalardan ózderine jasalǵan seksýaldyq zorlyq-zombylyq jaǵdaılary týraly haarlaýdy surady.