Jańalyqtar
«Qyzdar topyrlap kólikke minip ketti»: Sherzattyń ájesi janaıqaıyn jetkizdi
Foto: ashyq derekkóz
Sherzattyń ájesi «kýáger qyzdar» týraly óz pikirin aıtty
Talǵar qalasynda bir top buzaqynyń qolynan qaza tapqan jasóspirim Sherzat Bolattyń ájesi Jumabıke Nurymova prezıdent Qasym-Jomart Toqaevtan kómek surap, úndeý joldady, dep qandastar.kz tilshisi Ulysmedia.kz saıtyna silteme jasap habarlaıdy.
Úndeýdi bir jaǵynan otbasyn qaralap, ózderine kiná artyp jatqan keı adamdarǵa da arnapty.
“Sizder aıtyp otyrǵan qyzdardy sol jerden topyrlap, solardyń kóligine minip ketkenin óz kózimmen anyq kórdim. Al sizder olardy kýáger qylyp otyrsyzdar. Kýáger bolǵan adam sol 11-12 jigit jan aıbatpen topyrlap tepkilep jatqan kezde esh bolmasa ár qaısysy bir jigitti qushaqtap, qutqarýǵa tyryspas pa edi? Vıdeoǵa túsip qalmas pa edi? Soǵan nege qaramaısyzdar? О́zimizdi kinálaǵysy kelgen Úkimetke janaıqaıymyzdy jetkizip turmyn”, – degen Jumabıke Nurymova balasyn buzaqy etip kórsetken montajdalǵan vıdeonyń qalaı paıda bolǵanyna ashýly.
