ءبىلىم
«قىزدى دارەتحاناعا سۇيرەپ, شالبارىن شەشكەن»: تارازداعى مەكتەپ ينتەرناتىندا سۇمدىق جاعداي بولدى
فوتو: اشىق دەرەككوز
تارازداعى ن.تىلەنديەۆ اتىنداعى مەكتەپ-ينتەرناتىنىڭ وقۋشىلارى قىز بالانى دارەتحاناعا سۇيرەپ, شالبارىن شەشكەن, دەپ جازدى qandastar.kz
جەلىدە جاريا بولعان ۆيدەودا ءبىر توپ بالا قىزدى جۇلقىلاپ, دارەتحاناعا كىرگىزگەن, سودان سوڭ كابينكانى ىشىنەن ءىلىپ العان. وزگە وقۋشىلار ولاردىڭ ارتىنان اڭدىعان. قىزدىڭ شالبارىن كيۋگە تىرىسقانى, ونى وقۋشىلاردىڭ قورشاپ تۇرعانى كامەراعا تۇسكەن.
Azattyq Rýhy مالىمدەۋىنشە, جايتقا بايلانىستى جامبىل وبلىسى اكىمدىگىنىڭ ءبىلىم باسقارماسى تۇسىنىكتەمە بەردى. ينتەرناتتا كوپبالالى جانە تۇرمىسى تومەن وتباسىلاردان شىققان بالالار وقيدى.
«2025 جىلدىڭ 5 ساۋىرىندە ورىن العان وقيعاعا بايلانىستى مەكتەپ-ينتەرناتتىڭ جاۋاپتى قىزمەتكەرلەرىنە تارتىپتىك جازا قولدانىلدى. وقيعا تۋرالى قۇزىرلى ورگاندارعا دەر كەزىندە حابارلاماعانى ءۇشىن مەكتەپ-ينتەرنات ديرەكتورى دا قازاقستان رەسپۋبليكاسىنىڭ ەڭبەك كودەكسىنە سايكەس تارتىپتىك جاۋاپكەرشىلىككە تارتىلدى. سونىمەن قاتار, جامبىل وبلىسىنىڭ ءبىلىم سالاسىندا ساپانى قامتاماسىز ەتۋ دەپارتامەنتىنە مەكتەپ-ينتەرنات ديرەكتورىنا قاتىستى قازاقستان رەسپۋبليكاسىنىڭ «اكىمشىلىك قۇقىق بۇزۋشىلىق تۋرالى» كودەكسىنە سايكەس اكىمشىلىك ءىس قوزعاۋ تۋرالى ۇسىنىس جولداندى», — دەپ جاۋاپ بەردى باسقارما وكىلى.
قازىرگى ۋاقىتتا وقيعاعا قاتىستى قۇقىقتىق باعا بەرۋ جۇمىستارىن پوليتسيا ورگاندارى جۇرگىزىپ جاتىر.
