«قىزعا 150 مىڭ جەتپەي قالدى»: روزا القوجا وقۋشىلاردىڭ كيىمى قىمباتتاعانىن ايتتى

تانىمال ءانشى روزا القوجا قىزى ياسينانىڭ مەكتەپكە دايىندىعىن ءبولىستى, دەپ حابارلايدى Qandastar.kz

ونەر يەسى وقىرماندارىمەن سىرلاسىپ, جاڭا وقۋ جىلىنا ساتتىلىك تىلەدى.

ء“ومىر ءسۇرۋ دەگەن ەڭ قىزىق نارسە, ءيا?! نە بولارىن بىلمەيسىڭ. بەلگىسىزدىك, بىراق العا جۇرە بەرەسىڭ. جاراتقان بەرەرىن تاۋىسپاسىن. وقۋشىلارعا كيىم الىپ ۇلگەردىڭىزدەر مە?! مايدا-شۇيدە دەپ الا بەرىپ, ءبىر قىزعا 150 مىڭ جەتپەي قالدى. سىزدەر قانشاعا الدىڭىزدار?!”, – دەپ جازدى ءانشى.

جەلى قولدانۋشىلارى مەكتەپكە دايىندىقتىڭ باعاسى ۇشىپ تۇرعانىن جارىسا جازىپ جاتىر.

“2-سىنىپقا كوشكەن جيەنىمە 65 مىڭ تەڭگە كەتتى”, “بالا-شاعا مەن نەمەرە باعىپ, ءومىردىڭ قالاي وتكەنىن بىلمەي قالاسىڭ”, “بازارداعى مەكتەپ فورماسىنىڭ باعالارى ۇشىپ تۇر”, “قازىر ءبارى قىمباتتاپ كەتكەن”, ء“ۇش بالاما 100 مىڭ كەتتى. وقۋ قۇرالدارىن ءالى المادىق, تەك كيىمدەر عانا الدىق”, – دەپ جازدى كوپشىلىك.