«Qyzǵanysh sebep boldy»: Rýslan Berdenovke qastandyq jasaǵan kúdikti sotta kinásin ishinara moıyndady

Foto: parlam.kz

Shymkent qalasynyń qylmystyq ister jónindegi mamandandyrylǵan aýdanaralyq sotynda qala ákiminiń orynbasary Rýslan Berdenovke qastandyq jasaý isi boıynsha sot proesi ótip jatyr, dep jazdy qandastar.kz

Aıyptalýshy Ernar Jıembaı kinásin ishinara moıyndap, Berdenovti qorqytý úshin ańshy myltyǵymen atqanyn málimdedi. Bul týraly Stan.kzaqparat agentti habarlaıdy.

Sot otyrysy kezinde sýdıa Ábinur Qarabaev aıyptalýshydan kinásin moıyndaıtyn-moıyndamaıtynyn surady.

«Kinámdi moıyndaımyn. Adam óltirý nemese densaýlyǵyna zııan keltirý nıetim bolǵan joq. Qorqytý maqsatynda áreket etkenimdi moıyndaımyn. Biraq bappen (kisi óltirýge oqtalý – red.) kelispeımin», – dep jaýap berdi Ernar Jıembaı.

Onyń aıtýynsha, qylmysqa barýyna jumystaǵy kelispeýshilik emes, qyzǵanysh sebep bolǵan.

«Bul isime ókinemin, oǵan qyzǵanysh sebep boldy. Bul meniń ar-namysym. Jumystyń munda esh qatysy joq», – dedi ol.

Sotta jaýap alý kezinde Ernar Jıembaı otbasy týraly aıtyp, oqıǵaǵa qatysty áleýmettik jelide taraǵan qaýesetti joqqa shyǵarýǵa tyrysty.

«Altynshy synyptan beri birge oqydyq – meniń adal jarym, súıikti jarym. Eshqashan onyń bireýmen aralasqanyn kórgen emespin. Áleýmettik jelide jazǵandaı, jaqsy otbasynan shyqqan tárbıeli qyz, múldem ońaı emes», — deıdi sottalýshy.

Oǵan Qylmystyq kodekstiń 99-babynyń 1-bóligi jáne 24-babynyń 3-bóligi boıynsha (Adam óltirýge oqtalý) aıyp taǵylǵan.

Sot memlekettik tilde ótip jatyr. Jábirlenýshi Rýslan Berdenov sotqa qatysqan joq. О́kili Jeńis Tynybektiń aıtýynsha, Rýslan Berdenov emdelip jatýyna baılanysty sotqa qatyspaǵan.

Eske salsaq, buǵan deıin Rýslan Berdenovke shabýyl jasaǵankúdiktiniń oq atýyna ne sebep bolǵanynjazǵan edik. Kúdikti Ernar Jıembaı – ákimdikke qarasty «Turǵyn úı Shymkent» JShS-niń burynǵy dırektory, eki balanyń ákesi. Aıyptaý aktisine sáıkes, sol kúni ol ákim orynbasarynyń nusqaýymen qyzmetinen bosatylǵan. Tergeý nusqasy boıynsha, dál osy jaǵdaı ony qylmys jasaýǵa ıtermelegen.

Aıta keteıik, Shymkent qalasy ákiminiń orynbasary Rýslan Berdenovke 21 sáýirde ákimdik ǵımaratynyń aldynda qastandyq jasaldy. Ol jambas jáne ıyq tusynan oq jaraqatyn alyp, aýrýhanaǵa jetkizilip, shuǵyl túrde ota jasaldy. Shabýyldyń aldyn ala sebebi retinde birneshe nusqa aıtyldy.