«Qyzmetine qarap baǵalaıyq»: Sport mınıstri bas bapker Cherchesovtiń «áziline» qatysty pikir bildirdi

Kollaj Stan.kz

Týrızm jáne sport mınıstri Erbol Myrzabosynov fýtboldan Qazaqstan quramasynyń bas bapkeri Stanıslav Cherchesovtyń qazaq tilinde suraq qoıǵan jýrnalısti kelemejdeýine qatysty pikir bildirdi. Bul týraly qandastar.kz   Stan.kz aqparat agenttigine silteme jasap habarlaıdy.

Mınıstr óz pikirin áleýmettik jelide paraqshasynda jarııalady.

“Árıne, Stanıslav Cherchesovtiń «franýz tiline» qatysty qaljyńy orynsyz boldy. Muny Qazaqstan fýtbol federaııasy da, bapkerdiń ózi de bek túsinedi. Degenmen, Cherchesovtiń basty mindeti – ulttyq quramany jańa deńgeıge shyǵarý. Endeshe, oǵan eń aldymen kásibı qyzmetine qarap baǵa berýge shaqyramyn”, – dep jazdy mınıstr.

Mınıstr qazaq halqynyń qonaqjaı, darhan minezdi, keshirimdi el ekenin atap ótti.

“Bizdi myqty el etetin de osy qasıetter. Sondyqtan máseleni odan ári órshite bermeı, halqymyzǵa tán keńpeıildik tanytqanymyz abzal. Kez kelgen daýly máseleni aqyl-parasatpen sheshetin tolerantty, órkenıetti, ıaǵnı dana qoǵam ekenimizdi kórsete bileıik”, – deıdi Erbol Myrzabosynov.

Sondaı-aq mınıstr Stanıslav Cherchesovtiń halyqaralyq deńgeıdegi tanymal fýtbolıst ári 20 jyldyq tájirıbesi bar kásibı jattyqtyrýshy ekenin atap ótti.

“Ol túbinde qazaqstandyq jankúıerlerdiń senimin aqtap, ulttyq quramany qazirgi kúrdeli kezeńnen abyroımen alyp shyǵady dep senemin”, – delingen jazbada.

Eske salsaq, buǵan deıin fýtboldan Qazaqstan ulttyq quramasynyń bas bapkeri Stanıslav Cherchesov qazaq tilinde suraq qoıǵan tilshini «sen franýz tilindi sóılep tursyń ba?» dep kelemejdegeni týraly jazǵan edik. Osy áreketi úshin Stanıslav Cherchesovke 738 myń teńge aıyppul salyndy.