جاڭالىقتار
قىزمەتىنەن قۋىلۋى مۇمكىن: شىمكەنتتىك مەملەكەتتىك قىزمەتكەرلەر بۋكمەكەرلەرگە 400 ميلليون تەڭگە ۇتىلعان
فوتو: championat.com
شىمكەنتتە قۇمار ويىنعا قۇنىعىپ, ءباس تىككەن 50 مەملەكەتتىك قىزمەتكەر جۇمىسىنان ايىرىلۋى مۇمكىن, دەپ جازادى qandastar.kz
ولار ءبىر جىل شىندە بۋكمەكەرلىك كەڭسەگە 400 ميلليون تەڭگە ۇتىلعان ەكەن. بۇل تۋرالى Stan.kz اقپارات اگەنتتىگى كتك ارناسىنا سىلتەمە جاساپ حابارلايدى.
قيساپسىز قارجىنىڭ قۇمار ويىنعا كەتىپ جاتقانىن شىمكەنت پروكۋراتۋراسى انىقتادى. ولار ارنايى تالداۋ كەزىندە لۋدومانيا دەرتىنە شالدىققان مەملەكەتتىك قىزمەتكەرلەردىڭ ءتىزىمىن جاساپتى. زاڭ بويىنشا ولاردىڭ ءباس تىگىپ كازينوعا بارۋىنا تىيىم سالىنعان. سوندىقتان قىزمەتتە بولسا دا قۇمارىن جەڭە الماي جۇرگەندەر شەتىنەن جىلى ورنىمەن قوشتاسادى.
“تالداۋ ناتيجەسى بويىنشا جەرگىلىكتى اتقارۋشى ورگانعا قاداعالاۋ اكتىسى ەنگىزىلىپ قارالىپ جاتىر. وزگەرىستەر ەنگىزىلگەن زاڭ تالاپتارىنا سايكەس, ول جەردە قىزمەتكەرمەن ەڭبەك شارتىن بۇزۋ ءتارتىبى قاراستىرىلعان”, – دەدى شىمكەنت قالاسى پروكۋراتۋراسىنىڭ باسقارما باستىعىنىڭ ورىنباسارى بەكجان قۇلاتاەۆ.
