«قىزۋقاندى جىگىتتەر بار»: اقبوتا كەرىمبەكوۆا ءىستى بولعان ارىپتەستەرىنە قاتىستى پىكىر ءبىلدىردى

فوتو: tengrinews.kz

تانىمال ءانشى اقبوتا كەرىمبەكوۆا زاڭ بۇزىپ, 10 تاۋلىككە قاماۋعا الىنعان قايرات نۇرتاس پەن ءابدىجاپپار القوجاعا اراشا ءتۇستى. بۇل تۋرالى Stan.kz اقپارات اگەنتتىگى حابارلايدى.

ونەر يەسى قاتە باسقان قادامدى تابالاپ, ادامدى قارالاۋ دۇرىس ەمەس ەكەنىن العا تارتتى.

“ادامداردىڭ جازا باسپاعانىن, قاتەلەسپەگەنىن قالاعانىممەن, بىرەۋدىڭ بىرەۋدى سۇرىنگەنى ءۇشىن تابالاعانىن ەشقاشان دۇرىس كورمەيمىن. ادامداردىڭ قاتەcىنە قۋانعانداي بولىپ بىرەۋلەر بىردەڭەنى كوكيدى دە جاتادى, ايتەۋىر… ادام تانيتىن جاسقا كەلدىك قوي, راس, ءبىزدىڭ ەسترادادا قىزۋقاندى جىگىتتەر بار, ول قاسيەت قازىر وعاش كورىنگەنىمەن, بۇرىنىراق جىگىتكە ءتان مىنەز سانالاتىن. بىراق دال قايرات پەن ءابدىجاپپار جانىنا تيمەسەڭ كوتەرىلە قويمايتىن ەڭ ءبىر ەلگەزەك, كىسى سىيلايتىن ىنىلەردىڭ قاتارىندا بولاتىن. بىرىنەن سوڭ ءبىرىن توعىتاتىنداي بۇل نە جاعداي دەپ ويلانىپ وتىرمىن دا… كىمنىڭ قانداي پيعىلىن بۇركەلەمەۋ ءۇشىن 10-15 كۇن كەرەك بولدى ەكەن”, – دەپ جازدى ءانشى.

سونداي-اق ءانشى بىرەۋدىڭ قاتەcىنە قۋانۋ قوعامدا بەلەڭ الىپ تۇرعانىن دا باسا ايتىپ ءوتتى.

“بىرەۋدىڭ جازا ارقالاعانىنا جارىسا قۋانۋ بىزگە قايدان جۇققان دەرت وسى?!. بۇل قىلىق قاي اقىلعا سىيادى?!. “ ۇلى بارلار ۇرىعا, قىزى بارلار جوزەكشەگە كۇلمەسىن” دەگەن تىيىمدى سانالاردان قاشان, قالاي شىعارىپ الدىق?.. ەڭ بولماسا, “تىكەن بالامنىڭ تابانىنا كىرگەنشە, مەنىڭ مايدايىما كىرسىن”, دەپ تىلەپ وتىراتىن اكە مەن شەشەنىڭ, بالا-شاعانىڭ كوڭىلىن نەگە ويلامايدى ەكەن بىرەۋدى تىلدەمەس بۇرىن?.. بىرەۋ جەتىستىككە جەتتى, بىرەۋ قۋانىشقا كەنەلدى دەسە, تىلى كۇرمەتىلەتىن الاتايداي توپ بىرەۋ ءسۇرىندى دەسە بورىگىن اسپانعا اتقانداي بولىپ الىپ ۇشىپ شىعا كەلەدى. ءاي, قۇداي-اي!.. تىلدە, كۇندە, تابالا, ءجۇنجىت الدە دە, سودان كەرەمەت بولامىز”, – دەدى ەسترادا جۇلدىزى.

ايتا كەتەيىك, بۇعان دەيىن وتاندىق شوۋ-بيزنەس وكىلى, ءانشى قايرات نۇرتاستىڭ ۇشاقتا بۇزاقىلىق جاساعانى ءۇشىن ۇستالعانى تۋرالى جازعان ەدىك. وسى ىسكە قاتىستى سوت وتىرىسىندا ءانشى ءوزىنىڭ “جابىرلەنۋشى” ەكەنىن ايتتى. الايدا اكىمشىلىك قۇقىق بۇزۋشىلىق ىستەر جونىندەگى مامانداندىرىلعان سوت ءانشىنى 15 تاۋلىككە قاماۋعا الۋ تۋرالى شەشىم شىعاردى. 

سونداي-اق تۇرسىنبەك قاباتوۆ ماس كۇيدە ۇشاقتا شۋ شىعارعانى ءۇشىن 5 تاۋلىككە قامالعان ەدى.