«Qyzýqandy jigitter bar»: Aqbota Kerimbekova isti bolǵan áriptesterine qatysty pikir bildirdi

Foto: tengrinews.kz

Tanymal ánshi Aqbota Kerimbekova zań buzyp, 10 táýlikke qamaýǵa alynǵan Qaırat Nurtas pen Ábdijappar Álqojaǵa arasha tústi. Bul týraly Stan.kz aqparat agenttigi habarlaıdy.

О́ner ıesi qate basqan qadamdy tabalap, adamdy qaralaý durys emes ekenin alǵa tartty.

“Adamdardyń jaza baspaǵanyn, qatelespegenin qalaǵanymmen, bireýdiń bireýdi súringeni úshin tabalaǵanyn eshqashan durys kórmeımin. Adamdardyń qatecine qýanǵandaı bolyp bireýler birdeńeni kókıdi de jatady, áıteýir… Adam tanıtyn jasqa keldik qoı, ras, bizdiń estradada qyzýqandy jigitter bar, ol qasıet qazir oǵash kóringenimen, burynyraq jigitke tán minez sanalatyn. Biraq dál Qaırat pen Ábdijappar janyna tımeseń kóterile qoımaıtyn eń bir elgezek, kisi syılaıtyn inilerdiń qatarynda bolatyn. Birinen soń birin toǵytatyndaı bul ne jaǵdaı dep oılanyp otyrmyn da… Kimniń qandaı pıǵylyn búrkelemeý úshin 10-15 kún kerek boldy eken”, – dep jazdy ánshi.

Sondaı-aq ánshi bireýdiń qatecine qýaný qoǵamda beleń alyp turǵanyn da basa aıtyp ótti.

“Bireýdiń jaza arqalaǵanyna jarysa qýaný bizge qaıdan juqqan dert osy?!. Bul qylyq qaı aqylǵa syıady?!. “Uly barlar uryǵa, qyzy barlar józekshege kúlmesin” degen tyıymdy sanalardan qashan, qalaı shyǵaryp aldyq?.. Eń bolmasa, “tiken balamnyń tabanyna kirgenshe, meniń maıdaıyma kirsin”, dep tilep otyratyn áke men shesheniń, bala-shaǵanyń kóńilin nege oılamaıdy eken bireýdi tildemes buryn?.. Bireý jetistikke jetti, bireý qýanyshqa keneldi dese, tili kúrmetiletin alataıdaı top bireý súrindi dese bórigin aspanǵa atqandaı bolyp alyp ushyp shyǵa keledi. Áı, Qudaı-aı!.. Tilde, kúnde, tabala, júnjit álde de, sodan keremet bolamyz”, – dedi estrada juldyzy.

Aıta keteıik, buǵan deıin otandyq shoý-bıznes ókili, ánshi Qaırat Nurtastyń ushaqta buzaqylyq jasaǵany úshin ustalǵany týraly jazǵan edik. Osy iske qatysty sot otyrysynda ánshi óziniń “jábirlenýshi” ekenin aıtty. Alaıda ákimshilik quqyq buzýshylyq ister jónindegi mamandandyrylǵan sot ánshini 15 táýlikke qamaýǵa alý týraly sheshim shyǵardy. 

Sondaı-aq Tursynbek Qabatov mas kúıde ushaqta shý shyǵarǵany úshin 5 táýlikke qamalǵan edi.