Qyzyl kitaptaǵy qyzǵaldaqpen sýretke túsken ákim qysymǵa ushyraǵanyn aıtty

Foto: vıdeodan kadr

Aqtóbe oblysynda Qudaıbergen Jubanov atyndaǵy aýyldyq okrýgtiń ákimi Lázzat Berdibaeva sotqa tartyldy, dep habarlaıdy qandastar.kz

KTK telearnasynyń málimetinshe, Berdibaeva sýrette beınelengen gúlderdi onyń kámeletke tolmaǵan qyzdary Kandyagash mańynda demalys kezinde óz betterinshe terip alǵan. Aıtýynsha, olar gúlder ósken jerde eskertý belgileri bolmaǵan, janynda mal jaıylyp júrgen.

Alaıda ákimge «ata-analyq mindetin durys atqarmaǵany» úshin ákimshilik is qozǵaldy. Bul quqyqbuzýshylyq úshin 70 AEK kóleminde (275 240 teńge) aıyppul qarastyrylǵan.

Sot otyrysynda qyzǵaldaqtardyń Qyzyl kitapqa engen-enbegeni naqtylanǵan joq. Mamandar býket saqtalmaǵandyqtan, naqty saraptama júrgize almaǵan. Alaıda óńirde sırek kezdesetin Shrenk jáne Kaýfman túrindegi qyzǵaldaqtar ósetinin rastady.

«Fotosýret boıynsha gúl túrin anyqtaý múmkin emes. Muǵaljar aýdanynda naqty qaı túri ósetini týraly derek te joq», — dedi oblystyq orman sharýashylyǵy jáne janýarlar dúnıesi aýmaqtyq ınspekııasynyń bas mamany Artýr Kantarbaev.
Lázzat Berdibaeva bul jaǵdaıdyń ózin jáne otbasyn kúızeliske ushyratqanyn aıtty.

«Men depressııaǵa tústim. Qoǵamdyq qysym maǵan da, qyzdaryma da aýyr tıdi. Tipti olardyń jeke ómirin de talqylap jatty. Men óz mindetterimdi qalaı atqaryp júrgenimdi halyq biledi», — dep kózine jas aldy ákim.

Sotqa ol eki minezdeme usyndy: bireýi mektep dırektorynan qyzdaryna berilgen, ekinshisi — aýyl aqsaqaldarynan óz atyna. Ekeýi de jaǵymdy sıpatta.

Sot otyrysy barysynda ákimniń kinási dáleldenbedi, sebebi býket te, naqty saraptama da joq. Is boıynsha kelesi tyńdaý 15 mamyrǵa belgilengen.