جاڭالىقتار
قىزىلوردا وبلىسىندا جەتىم بالالاردىڭ ءۇي الۋ كەزەگى زاڭسىز بۇزىلعان
قارماقشى اۋدانىنىڭ پروكۋراتۋراسى جەتىم جانە اتا-اناسىنىڭ قامقورلىعىنسىز قالعان بالالاردى تۇرعىن ۇيمەن قامتۋ ماسەلەسى بويىنشا تەكسەرىس جۇرگىزدى, دەپ حابارلايدى Qandastar.kz سايتى turkystan.kz-كە سىلتەمە جاساپ.
قولدانىستاعى زاڭناماعا سايكەس, اتالعان ساناتتاعى بالالار تۇرعىن ءۇي الۋعا ءبىرىنشى كەزەكتە قۇقىلى.
سونداي-اق مەملەكەتتىك تۇرعىن ءۇي قورىنان بەرىلەتىن ۇيلەردىڭ جالپى سانىنىڭ كەمىندە 20 پايىزى اتالعان ساناتتاعى بالالارعا بەرىلۋى ءتيىس.
بۇل رەتتە جەرگىلىكتى اتقارۋشى ورگاندار ولاردىڭ مەملەكەتتىك تۇرعىن ءۇي قورىنان تۇرعىن ءۇي الۋ مۇمكىندىگىن بۇزعان.
تەك پروكۋرورلىق قاداعالاۋ اكتىسىنەن كەيىن عانا ولاردىڭ قۇقىقتارى قالپىنا كەلتىرىلىپ, زاڭسىز تۇرعىن ءۇي كەزەگىنەن شىعىپ قالعان ازاماتشا قايتا كەزەككە قويىلدى جانە كەزەكتەگى 3 جەتىم بالا كوپتەن كۇتكەن باسپاناسىنا قول جەتكىزدى.
